റിയാദ്: 38 വര്ഷത്തെ പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കേളി സനാഇയ്യ അര്ബൈന് ഏരിയ കമ്മിറ്റി അംഗവും വെസ്റ്റ് യൂണിറ്റ് എക്സിക്യൂട്ടീവ് അംഗവുമായ പി.കെ. രാജന് ഏരിയ കമ്മിറ്റിയുടെ നേതൃത്വത്തില് യാത്രയയപ്പ് നല്കി. റിയാദിലെ ഒരു സ്വകാര്യ കമ്പനിയില് അലുമിനിയം ഫാബ്രിക്കേറ്ററായി സേവനമനുഷ്ഠിച്ചുവരികയായിരുന്ന അദ്ദേഹം പാലക്കാട് ജില്ലാ തൃത്താല സ്വദേശിയാണ്.
കേളി ഓഫീസില് നടന്ന ചടങ്ങില് ഏരിയ പ്രസിഡന്റ് ജോര്ജ് അധ്യക്ഷനായി. രക്ഷാധികാരി കമ്മിറ്റി അംഗം സീബ കൂവോട്, സനയ്യ അര്ബൈന് രക്ഷാധികാരി ആക്ടിങ് സെക്രട്ടറി മുഹമ്മദ് ഷാഫി, കേളി സെക്രട്ടറി സുനില് കുമാര്, ജോയിന്റ് സെക്രട്ടറി ഷാജി റസാഖ്, രക്ഷാധികാരി കമ്മിറ്റി അംഗങ്ങളായ സുകേഷ് കുമാര്, മൊയ്ദീന്, നാസര്, ഏരിയ കമ്മിറ്റി അംഗങ്ങളായ ഹരിദാസന്, ജയകുമാര്, അബ്ദുല് റഷീദ്, വിവിധ യൂണിറ്റുകളെ പ്രതിനിധീകരിച്ച് മന്സൂര് ഖാന്, വാസുദേവന് കൂതറ, ഗഫൂര് പി.കെ., നൗഷാദ് എന്നിവര് ആശംസകള് നേര്ന്നു.
ഏരിയ കമ്മിറ്റിക്കുവേണ്ടി ജാഫര് ഖാനും, രക്ഷാധികാരി കമ്മിറ്റിക്കുവേണ്ടി മുഹമ്മദ് ഷാഫിയും, ഒവൈദ, വെസ്റ്റ്, ഈസ്റ്റ്, ബ്രിഡ്ജ് യൂണിറ്റുകള്ക്കുവേണ്ടി യഥാക്രമം മന്സൂര് ഖാന്, ഹരിദാസന്, ജയകുമാര്, അബ്ദുല് ഗഫൂര് എന്നിവര് ഉപഹാരങ്ങള് കൈമാറി. ഏരിയ സെക്രട്ടറി ജാഫര് ഖാന് സ്വാഗതവും പി.കെ. രാജന് മറുപടിയും നന്ദിയും രേഖപ്പെടുത്തി.
ഫോട്ടോ: ഏരിയ സെക്രട്ടറി ജാഫര് ഖാന് ഉപഹാരം കൈമാറുന്നു.
Related News
