പെരുമ്പാവൂർ: പ്രവാസികളുടെയും മുൻ പ്രവാസികളുടെയും കാലികപ്രസക്തമായ വിഷയങ്ങളിൽ സമയോചിതവും ശ്രദ്ധേയവുമായ ഇടപെടലുകൾ നടത്തുന്ന ജില്ലയിലെ പ്രമുഖ പ്രവാസി കൂട്ടായ്മയായ എറണാകുളം ജില്ലാ പ്രവാസി & എക്സ് പ്രവാസി അസോസിയേഷന്റെ (EDPA) പ്രവർത്തനങ്ങൾ വളരെ ശ്ലാഘനീയവും മാതൃകാപരവുമാണെന്ന് ജില്ലയിൽ നിന്നുള്ള വിവിധ എം.എൽ.എമാർ അഭിപ്രായപ്പെട്ടു.
എറണാകുളം ജില്ലയിലെ വിവിധ നിയോജക മണ്ഡലങ്ങളിലെ നിയമസഭാ സാമാജികരും ജനപ്രതിനിധികളും പെരുമ്പാവൂർ നഗരത്തിൽ വെള്ളിയാഴ്ച വൈകിട്ട് നടന്ന ഒരു പൊതുപരിപാടിക്ക് ശേഷമാണ് ഫ്ലോറ റെസിഡൻസിയിലുള്ള അസോസിയേഷൻ ആസ്ഥാനത്ത് സന്ദർശനത്തിനെത്തിയത്.
എം.എൽ.എമാരായ അൻവർ സാദത്ത് (ആലുവ), വി.പി. സജീന്ദ്രൻ (കുന്നത്തുനാട്), മനോജ് മൂത്തേടൻ (പെരുമ്പാവൂർ), പെരുമ്പാവൂർ നഗരസഭാ അധ്യക്ഷ കെ.എൻ. സംഗീത, നഗരസഭാ കൗൺസിലർ നജീബ് മൂക്കട (സൗത്ത് വല്ലം) എന്നിവരെ സംഘടന ഭാരവാഹികൾ ചേർന്ന് ഓഫീസിലേക്ക് സ്വീകരിച്ചു.
രക്ഷാധികാരി ടി.എ. മുഹമ്മദ് ബഷീർ, ട്രഷറർ സുബൈർ അമ്പാടൻ, എക്സിക്യൂട്ടീവ് അംഗങ്ങളായ സലീം ഷാലിമാർ (പട്ടാളം), മനാഫ് പുത്തൂക്കാടൻ എന്നിവർ ജനപ്രതിനിധികളെ സ്വീകരിക്കാൻ നേതൃത്വം നൽകി.
.jpg)
