ദമ്മാം: മരണാനന്തര കര്‍മ്മങ്ങളെക്കുറിച്ചും മയ്യിത്ത് പരിപാലനത്തെക്കുറിച്ചും ശരിയായ അറിവ് പകര്‍ന്നു നല്‍കുക എന്ന ലക്ഷ്യത്തോടെ ഐ.ഐ.സി.ഡി യൂത്തിന്റെ 'യുവപഥം' വേദിയുടെ ആഭിമുഖ്യത്തില്‍ പ്രായോഗിക പഠന ക്ലാസ് സംഘടിപ്പിക്കുന്നു.

ജൂലൈ 18 ശനിയാഴ്ച രാത്രി 8:30-ന് ദമ്മാം ഇന്ത്യന്‍ ഇസ്ലാഹി സെന്ററില്‍ (അമീര്‍ കോര്‍ട്ടിന് സമീപം) വെച്ചാണ് പരിപാടി നടക്കുക. പ്രമുഖ പണ്ഡിതന്‍ അബ്ദുസ്സുബ്ഹാന്‍ സ്വലാഹി ക്ലാസിന് നേതൃത്വം നല്‍കും. ഒരു വിശ്വാസിയുടെ മരണാനന്തര ചടങ്ങുകള്‍ എങ്ങനെ സുന്നത്തായ രീതിയില്‍ പൂര്‍ത്തിയാക്കാം എന്ന് നേരിട്ട് കണ്ടു മനസ്സിലാക്കാന്‍ സാധിക്കുന്ന വിധത്തിലാണ് പ്രായോഗിക സെഷന്‍ ക്രമീകരിച്ചിരിക്കുന്നത്.

ഓരോ വിശ്വാസിയുടെയും സാമൂഹിക ബാധ്യതയായ മരണാനന്തര കര്‍മ്മങ്ങള്‍ കൃത്യതയോടെയും ഇസ്ലാമിക നിയമങ്ങള്‍ക്കനുസരിച്ചും ചെയ്യാന്‍ ഓരോരുത്തരും സജ്ജരാകേണ്ടതുണ്ട് എന്ന ബോധ്യത്തിലാണ് ഈ പരിപാടി സംഘടിപ്പിക്കുന്നത്. പ്രവാസ ലോകത്തെ യുവാക്കള്‍ക്കും മുതിര്‍ന്നവര്‍ക്കും ഒരുപോലെ പ്രയോജനപ്പെടുന്ന ഈ സുവര്‍ണാവസരം പരമാവധി ഉപയോഗപ്പെടുത്തണമെന്ന് സംഘാടകര്‍ അറിയിച്ചു.