റിയാദ്: സൗദി അറേബ്യയിലെ ഔദ്യോഗിക സേവന കാലാവധി പൂര്ത്തിയാക്കി, ന്യൂഡല്ഹിയിലെ വിദേശകാര്യ മന്ത്രാലയത്തിലേക്ക് മടങ്ങുന്ന ഇന്ത്യന് അംബാസഡര് ഡോ. സുഹൈല് അജാസ് ഖാന് പ്രവാസി ഇന്ത്യന് സമൂഹം ഊഷ്മളമായ യാത്രയയപ്പ് നല്കി. ചടങ്ങില് റിയാദ് ടാക്കീസ് പ്രസിഡണ്ട് റിജോഷ് കടലുണ്ടി അംബാസഡര്ക്ക് ബൊക്കെ കൈമാറി സംഘടനയുടെ ആദരവും ആശംസകളും അറിയിച്ചു.
വൈസ് പ്രസിഡണ്ട് സനു മാവേലിക്കര, ഉപദേശസമിതി അംഗങ്ങളായ ഡൊമിനിക് സാവിയോ, നവാസ് ഒപ്പീസ്, എക്സിക്യൂട്ടീവ് അംഗം അന്സാര് കൊടുവള്ളി എന്നിവര് ചടങ്ങില് സന്നിഹിതരായിരുന്നു. ഓള് ഇന്ത്യ സ്റ്റീയറിങ് കമ്മിറ്റിയുടെ ആഭിമുഖ്യത്തില് റിയാദ് ഒലയ ഹോളിഡേ ഇന് ഹോട്ടലില് സംഘടിപ്പിച്ച യാത്രയയപ്പ് ചടങ്ങില് വിവിധ ഇന്ത്യന് സംസ്ഥാനങ്ങളില് നിന്നുള്ള സാമൂഹിക പ്രവര്ത്തകരും സംഘടനാ പ്രതിനിധികളും ബിസിനസ്സ് പ്രമുഖരും പങ്കെടുത്തു.
Related News
