ഷാർജ* :ആലപ്പുഴ ജില്ലാ പ്രവാസി സമാജം (AJPS)
യു.എ.ഇ സംഘടിപ്പിക്കുന്ന പ്രവാസി മലയാളികളുടെ അഭിമാന സാംസ്കാരിക മഹോത്സവമായ *ആലപ്പുഴോത്സവം സീസൺ 6'*-ന്റെ പോസ്റ്റർ പ്രകാശനം ആലപ്പുഴ ലോക്‌സഭാ അംഗം *കെ.സി. വേണുഗോപാൽ എം.പി* നിർവഹിച്ചു.

*പ്രവാസി മണ്ണിൽ ആലപ്പുഴയുടെ സംസ്കാരവും പൈതൃകവും പാരമ്പര്യവും ഒരുമിച്ച് അനുഭവ വേദിയാകുന്ന ആലപ്പുഴോത്സവം,* *വർഷാവർഷം യു.എ.ഇയിലെ പ്രവാസി മലയാളികൾ ആവേശത്തോടെ കാത്തിരിക്കുന്ന* *ആഘോഷങ്ങളിൽ ഒന്നാണ്. കഥകളി, വള്ളംകളി,വടംവലി, പൂക്കളമത്സരം,നാടൻ* *കലാപരിപാടികൾ, സംഗീത-സാംസ്കാരിക വിരുന്ന് എന്നിവ ഉൾപ്പെടെ കേരളത്തിന്റെ തനിമ വിളിച്ചോതുന്ന* *വൈവിധ്യമാർന്ന* *പരിപാടികളാണ് സീസൺ 6-ൽ ഒരുക്കിയിരിക്കുന്നത്.*

*2026 നവംബർ 29-ന് (ഞായറാഴ്ച) ഷാർജ സഫാരി മാളിൽ നടക്കുന്ന ആലപ്പുഴോത്സവം സീസൺ 6, പ്രവാസി സമൂഹത്തിന്റെ ഐക്യത്തിന്റെയും* *ആലപ്പുഴക്കാരുടെ കൂട്ടായ്മയുടെയും ആഘോഷമായി മാറുമെന്ന് സംഘാടകർ അറിയിച്ചു. കുടുംബസമേതം ആയിരക്കണക്കിന് ആളുകൾ പങ്കെടുക്കുന്ന ഈ മഹോത്സവം മുൻ വർഷങ്ങളെക്കാൾ വിപുലമായ ഒരുക്കങ്ങളോടെയാണ് സംഘടിപ്പിക്കുന്നത്.*

*പോസ്റ്റർ പ്രകാശന ചടങ്ങിൽ ആലപ്പുഴ ജില്ലാ പ്രവാസി സമാജം കമ്മറ്റി* *ഭാരവാഹികളായ* *മുഹമ്മദ്‌ ആഷിഫ്, നൗഷാദ് അമ്പലപ്പുഴ,മുഹമ്മദ്‌ ജുനൈദ് ഖാൻ,*
*ഫസ്ന ആഷിഫ്,യാസ്‌ദ് മുഹമ്മദ്‌,മുഹമ്മദ്‌ ജാവേഡ് ഖാൻ,*
*ഷേക്ക്‌ അക്ബർ* *ഭാഷ,ഷാജി ജമാൽ തുടങ്ങിയവർ പങ്കെടുത്തു .*

*ആലപ്പുഴോത്സവം സീസൺ 6-ന്റെ വിജയത്തിൽ പങ്കാളികളാകാൻ യു.എ.ഇയിലെ മുഴുവൻ പ്രവാസി മലയാളികളെയും കുടുംബസമേതം നവംബർ 29-ന് ഷാർജ സഫാരി മാളിലേക്ക് സംഘാടകർ ഹാർദ്ദവമായി സ്വാഗതം ചെയ്തു*