റിയാദ്: റിയാദ് കെഎംസിസി സെന്ട്രല് കമ്മിറ്റിയുടെ കുടുംബ സുരക്ഷാ പദ്ധതിയില് അംഗമായിരിക്കെ മരണപ്പെട്ടവരുടെ കുടുംബങ്ങള്ക്കും പദ്ധതി അംഗങ്ങളുടെ ചികിത്സാ സഹായം ഉള്പ്പെടെ 80 ലക്ഷം രൂപയോളം വിതരണം ചെയ്യുന്ന ചടങ്ങ് വരുന്ന ശനിയാഴ്ച രാവിലെ ഒന്പത് മണിക്ക് മലപ്പുറം വുഡ്ബിന് ഓഡിറ്റോറിയത്തില് വെച്ച് നടക്കും.
മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്, മുസ്ലിം ലീഗ് ദേശീയ ജനറല് സെക്രട്ടറിയും വ്യവസായ വകുപ്പ് മന്ത്രിയുമായ പി.കെ. കുഞ്ഞാലിക്കുട്ടി, മുസ്ലിം ലീഗ് സംസ്ഥാന ജനറല് സെക്രട്ടറി അഡ്വ. പി.എം.എ. സലാം എന്നിവര്ക്ക് പുറമെ മറ്റു സംസ്ഥാന മുസ്ലിം ലീഗ് ഭാരവാഹികള്, മന്ത്രിമാര്, എം.പിമാര്, എം.എല്.എമാര്, കെഎംസിസിയുടെ നാഷണല് സെന്ട്രല് കമ്മിറ്റി നേതാക്കള്, കഴിഞ്ഞ കാലങ്ങളില് റിയാദിലെ കെഎംസിസി നേതൃനിരയില് പ്രവര്ത്തിച്ചവര്, പഴയകാല കെഎംസിസി പ്രവര്ത്തകര് എന്നിവരെല്ലാം ചടങ്ങില് പങ്കെടുക്കും.
സെന്ട്രല് കമ്മിറ്റിയുടെ നേതൃത്വത്തില് വിവിധ ഘടകങ്ങളുടെ സഹകരണത്തോടെ നടത്തിയ സി.എച്ച്. സെന്റര് ഏകീകൃത ഫണ്ട് സമാഹാരണത്തില് ലഭിച്ച ഒരു കോടി രൂപയോളം കേരളത്തിലെ വിവിധ സി.എച്ച്. സെന്ററുകള്ക്ക് ഇതിനകം കൈമാറിയിട്ടുണ്ട്. തിരുവനന്തപുരം സി.എച്ച്. സെന്ററിന് വേണ്ടി സമാഹരിച്ച തുക പ്രസ്തുത ചടങ്ങില് പാണക്കാട് സയ്യിദ് സാദിഖലി ശിഹാബ് തങ്ങള് കൈമാറും.
ഇതൊരു അറിയിപ്പായി കരുതി നാട്ടിലുള്ള മുഴുവന് കെഎംസിസി പ്രവര്ത്തകരും ചടങ്ങില് പങ്കെടുക്കണമെന്ന് കെഎംസിസി റിയാദ് സെന്ട്രല് കമ്മിറ്റി പ്രസിഡണ്ട് സി.പി. മുസ്തഫ, ജനറല് സെക്രട്ടറി ഷുഹൈബ് പനങ്ങാങ്ങര എന്നിവര് വാര്ത്താക്കുറിപ്പില് അറിയിച്ചു.
.jpg)
Related News
