പെരുമ്പാവൂര്: സാധാരണക്കാര്ക്ക് പ്രയാസകരമായ ഉംറ യാത്രാ സ്വപ്നം യാഥാര്ത്ഥ്യമാക്കി പെരുമ്പാവൂര് സൗത്ത് വല്ലം ജമാഅത്ത് മഹല്ല് പരിപാലന കമ്മിറ്റി മാതൃകയായി. ഒരു വര്ഷം കൊണ്ട് തവണകളായി തുക അടയ്ക്കാനുള്ള സൗകര്യം ഏര്പ്പെടുത്തിയാണ് മഹല്ല് അംഗങ്ങളുടെ ചിരകാലാഭിലാഷം കമ്മിറ്റി സാക്ഷാല്കരിച്ചത്.
മൂവാറ്റുപുഴ കേന്ദ്രമായി പ്രവര്ത്തിക്കുന്ന പ്രമുഖ ഹജ്ജ്-ഉംറ സര്വീസ് ഗ്രൂപ്പായ അല്ഫലാഹ് ഗ്രൂപ്പുമായി സഹകരിച്ചാണ് ഉംറ യാത്ര സംഘടിപ്പിച്ചത്. സാമ്പത്തിക ബുദ്ധിമുട്ടുകള് കാരണം പരിശുദ്ധ ഹറമിലേക്ക് പോകാന് കഴിയാത്തവര്ക്ക് വലിയൊരു ആശ്വാസമാണ് ജമാഅത്ത് കമ്മിറ്റിയുടെ ഈ ഇടപെടല്.
മഹല്ല് നിവാസികളായ 75 പേര് ഉള്പ്പെടെ 86 പേരടങ്ങുന്ന ഉംറ സംഘം ഇന്നലെ യാത്ര പുറപ്പെട്ടു. ചീഫ് അമീര് സദഖത്തുള്ള (ലക്ഷദ്വീപ്), അല് ഫലാഹ് ഗ്രൂപ്പ് എം.ഡി. സഹല് ചക്കുങ്ങല്, വനിത അമീറ നദീറ ഓണംപള്ളി, ജമാഅത്ത് കമ്മിറ്റി പ്രസിഡന്റ് മുഹമ്മദ് ഷിയാസ്, സെക്രട്ടറി കെ.എ. അമീന് തുടങ്ങിയവര് യാത്രയ്ക്ക് നേതൃത്വം നല്കുന്നു. പള്ളി അങ്കണത്തില് നടന്ന പ്രത്യേക യാത്രയയപ്പ് സംഗമത്തില് ചീഫ് ഇമാം മുനീര് ഹുദവി പ്രാര്ത്ഥനയ്ക്ക് നേതൃത്വം നല്കി.
.jpg)
Related News
