ജിദ്ദ: ദഹബാനില് വെച്ച് അപകടത്തില് മരണപ്പെട്ട പാലക്കാട് ഒറ്റപ്പാലം വരോട് പുളിക്കലകത്ത് ബഷീറിന്റെ മയ്യിത്ത് ഖബറടക്കി. ജിദ്ദ കിംഗ് അബ്ദുല് അസീസ് ഫോറന്സിക് ലാബില് നിന്ന് എംബാം നടപടികള് പൂര്ത്തിയാക്കിയ ശേഷം ജിദ്ദ കെ.എം.സി.സി വെല്ഫെയര് വിംഗ് കണ്വീനര് നൗഫല് റഹീലിയുടെ നേതൃത്വത്തില്, പാലക്കാട് ജില്ലാ കെ.എം.സി.സിയുടെയും കുടുംബാംഗങ്ങളുടെയും നാട്ടുകാരുടെയും സാന്നിധ്യത്തില് മയ്യിത്ത് നമസ്കാരം പൂര്ത്തിയാക്കി.
തുടര്ന്ന് ജിദ്ദ - കോഴിക്കോട് ഇന്ഡിഗോ വിമാനത്തില് നാട്ടിലേക്ക് അയച്ച മൃതദേഹം, ചൊവ്വാഴ്ച വൈകുന്നേരം കരിപ്പൂര് വിമാനത്താവളത്തില് വെച്ച് ബന്ധുക്കള് ഏറ്റുവാങ്ങി. വീട്ടിലെ പൊതുദര്ശനത്തിന് ശേഷം വരോട് ജുമാ മസ്ജിദ് ഖബര്സ്ഥാനില് ഖബറടക്കി.
Related News
