ഡമാസ്കസ്: സിറിയയിലെ ഡെയ്ര് എസ്സോറിലുള്ള സൈനിക കേന്ദ്രത്തിലുണ്ടായ ദുരൂഹ സ്ഫോടനത്തില് 11 പേര് കൊല്ലപ്പെട്ടതായി പ്രതിരോധ മന്ത്രാലയം അറിയിച്ചു. ആയുധ ഡിപ്പോകളിലുണ്ടായ സമാനമായ മുന് സ്ഫോടനങ്ങളില് ഈ മാസം ആദ്യം വടക്കുപടിഞ്ഞാറന് മേഖലയില് 14 പേര് കൊല്ലപ്പെട്ടിരുന്നു.
അതേസമയം, മുന് പ്രസിഡന്റ് ബഷര് അല് അസാദിന്റെ ഭരണകാലത്ത് ജനവാസ കേന്ദ്രങ്ങളില് വ്യോമാക്രമണം നടത്തിയ കേസില് അഞ്ച് മുന് വ്യോമസേന ഉദ്യോഗസ്ഥരെ സിറിയന് സുരക്ഷാ സേന അറസ്റ്റ് ചെയ്തു. ടാര്ട്ടൂസ് പ്രവിശ്യയില് നടത്തിയ റെയ്ഡിലാണ് പൈലറ്റുമാരും കമാന്ഡര്മാരും ഉള്പ്പെടെയുള്ളവരെ പിടികൂടിയത്. 2024 ഡിസംബറില് അസാദ് ഭരണകൂടം പുറത്താക്കപ്പെട്ടതിന് ശേഷം, യുദ്ധക്കുറ്റങ്ങളില് പങ്കാളികളായ മുന് ഉദ്യോഗസ്ഥരെ പുതിയ അധികാരികള് അന്വേഷണത്തിലൂടെ ലക്ഷ്യമിട്ടു വരികയാണ്.
അതിനിടെ, അസാദ് ഭരണകാലത്തെ ക്രൂരതകളുമായി ബന്ധപ്പെട്ട് വിദേശ രാജ്യങ്ങളിലും നടപടികള് പുരോഗമിക്കുകയാണ്. ഡമാസ്കസ് സെന്ട്രല് ജയില് മേധാവിയായിരുന്ന സമീര് ഉസ്മാന് അല്ഷെയ്കിന് പീഡനം, ഗൂഢാലോചന എന്നീ കുറ്റങ്ങള്ക്ക് യു.എസ് ഫെഡറല് കോടതി 60 വര്ഷം തടവ് ശിക്ഷ വിധിച്ചു. ബ്രിട്ടനിലും സമാനമായ കേസില് മുന് ഇന്റലിജന്സ് ഉദ്യോഗസ്ഥന് കോടതിയില് ഹാജരായിട്ടുണ്ട്.
.jpg)
Related News
