ദമ്മാം: സൗദി കിഴക്കൻ പ്രവിശ്യയിലെ പ്രമുഖ കാൽപന്ത് കൂട്ടായ്മയായ ബദർ ഫുട്ബോൾ ക്ലബ്ബിന്റെ ഇരുപത്തിയഞ്ചാമത് വാർഷികത്തോടനുബന്ധിച്ച് സംഘടിപ്പിക്കുന്ന ഫുട്ബോൾ മേളയ്ക്ക് വ്യാഴാഴ്ച തുടക്കമാകും. ദമ്മാം വിന്നേഴ്സ് സ്റ്റേഡിയം വേദിയാവുന്ന 'എം ടി സി ബദർ ഫുട്ബോൾ കപ്പ് ചാമ്പ്യൻഷിപ്പ് 2026'-ന്റെ ലോഗോ പ്രകാശനവും ഫിക്സ്ചർ ക്രമീകരണവും ദമ്മാമിൽ നടന്നു.
ബി എഫ് സി ഓഫീസിൽ വെച്ച് നടന്ന പരിപാടിയിൽ ഡിഫ ആക്ടിംഗ് പ്രസിഡന്റ് തോമസ് തൈപ്പറമ്പിൽ ലോഗോ പ്രകാശനം നിർവ്വഹിച്ചു. ചെയർമാൻ റഫീഖ് കൂട്ടിലങ്ങാടി അധ്യക്ഷത വഹിച്ച ചടങ്ങിൽ ഡിഫ ടെക്നിക്കൽ കമ്മിറ്റി ചെയർമാൻ സക്കീർ വള്ളക്കടവ്, ഡിഫ ജനറൽ സെക്രട്ടറി ഷംസു മാനു, ട്രഷറർ റിയാസ് പറളി എന്നിവർ പങ്കെടുത്തു. ഡിഫയിലെ ക്ലബ്ബുകളെ പ്രതിനിധീകരിച്ച് സഹീർ മജ്ദാൽ ആശംസകൾ നേർന്നു.
റഷീദ് അഹ്മദ്, ശരീഫ് മാണൂർ എന്നിവർ ഫിക്സ്ചർ ക്രമീകരണത്തിന് നേതൃത്വം നൽകി. പരിപാടിയിൽ ക്ലബ്ബ് പ്രസിഡന്റ് മഹ്റൂഫ് സ്വാഗതവും കൺവീനർ സിദ്ദീഖ് കണ്ണൂർ നന്ദിയും പറഞ്ഞു.
പടം: എം ടി സി ബദർ ഫുട്ബോൾ കപ്പ് ചാമ്പ്യൻഷിപ്പിന്റെ ലോഗോ പ്രകാശനം ഡിഫ ആക്ടിംഗ് പ്രസിഡന്റ് തോമസ് തൈപ്പറമ്പിൽ നിർവ്വഹിക്കുന്നു.
Related News