ബിഷ: കഴിഞ്ഞ മാസം ബിഷ കിങ് അബ്ദുള്ള ആശുപത്രിയില് മരണടഞ്ഞ ഉത്തര്പ്രദേശ് കുശിനഗര് സ്വദേശി മനോജ് കുമാര് ശര്മ്മയുടെ (53) മൃതദേഹം നിയമനടപടികള് പൂര്ത്തിയാക്കി നാട്ടിലേക്കയച്ചു. ബിഷയില് നിന്നും ജിദ്ദ വഴി പുറപ്പെട്ട മൃതദേഹം നാളെ (വെള്ളി) രാവിലെ ലഖ്നൗ എയര്പോര്ട്ടില് എത്തിച്ചേരും. മകനും മരുമകനും ചേര്ന്ന് മൃതദേഹം ഏറ്റുവാങ്ങി നാട്ടിലെത്തിച്ച് സംസ്കരിക്കും. നാട്ടില് നിന്നുമെത്തി നാല് മാസമാകുന്നതിനിടയിലായിരുന്നു മരണം.
പരേതന് 'ഹുറൂബ്' കേസില് ഉള്പ്പെട്ടിരുന്നതിനാലാണ് മൃതദേഹം നാട്ടിലേക്ക് അയക്കാന് കാലതാമസം നേരിട്ടത്. തുടര്ന്ന് കോണ്സുലേറ്റുമായി ബന്ധപ്പെട്ടതിനെത്തുടര്ന്ന് ടിക്കറ്റ് കോണ്സുലേറ്റ് നല്കുകയായിരുന്നു. നിയമനടപടികള് പൂര്ത്തിയാക്കാന് ബിഷയിലെ സാമൂഹിക പ്രവര്ത്തകനും ജിദ്ദ കോണ്സുലേറ്റ് വെല്ഫെയര് മെമ്പറുമായ അബ്ദുല് അസീസ് പാതിപറമ്പന് കൊണ്ടോട്ടിയെ കോണ്സുലേറ്റ് ചുമതലപ്പെടുത്തിയിരുന്നു.
Related News