മസ്കത്ത്: ഒമാനിലെ ഫാര്മസി മേഖലകളില് സ്വദേശിവത്കരണം ശക്തമാക്കാനുള്ള തീരുമാനം പ്രവാസികള്ക്ക് പ്രത്യേകിച്ച് മലയാളികള്ക്ക് വന് തിരിച്ചടിയാലും. ഈ മേഖലയില് ജോലി ചെയ്യുന്ന പ്രവാസികൡ അധികപേരും മലയാളികളാണ്. ഈ രംഗത്ത് ജോലി ചെയ്യുന്നവരുടെ ലൈസന്സുകള് ഇനി മുതല് പുതുക്കേണ്ടതില്ലെന്നാണ് തീരുമാനം. ആശുപത്രികളിലും മാളുകളിലും പ്രവര്ത്തിക്കുന്ന ഫാര്മസികളില് നിരവധി പ്രവാസികളാണ് ജോലിചെയ്യുന്നത്. ഇവരില് വലിയ ശതമാനവും മലയാളികളാണ്. ഇവര്ക്ക് രാജ്യം വിടുകയോ അതല്ലെങ്കില് മറ്റു ജോലികള് തേടുകയോ വേണ്ടിവരും. ആശുപത്രികളിലെയും വാണിജ്യ കേന്ദ്രങ്ങളിലെയും ഫാര്മസികളിലെ ഫാര്മസിസ്റ്റുകളും അവരുടെ സഹായികളും സ്വദേശികളായിരിക്കണമെന്ന് നിര്ദേശിച്ച് ഒമാന് ആരോഗ്യ മന്ത്രാലയം സര്ക്കുലര് പുറത്തിറക്കിയതോടെയാണിത്.
നിര്ദ്ദേശം സമയബന്ധിതമായി പാലിക്കുന്നതിന് ആവശ്യമായ നടപടികള് സ്വീകരിക്കണമെന്ന് സ്ഥാപനങ്ങളോട് ആരോഗ്യ മന്ത്രാലയത്തിലെ ഡ്രഗ് സേഫ്റ്റി സെന്റര് ഡയറക്ടര് ജനറല് ഇബ്രാഹിം നാസര് അല് റഷ്ദി സര്ക്കുലറില് നിര്ദേശഇച്ചു. സ്വദേശി തൊഴിലന്വേഷകര്ക്ക് അവസരങ്ങള് സൃഷ്ടിക്കുന്നതിന്റെ ഭാഗമായാണ് നടപടി.
മസ്കത്ത് ഗവര്ണറേറ്റിലെ ആരോഗ്യ മേഖലയില് സ്വദേശിവത്കരണം ശക്തിപ്പെടുത്തുന്നതിനും തൊഴില് അവസരങ്ങള് വര്ധിപ്പിക്കുന്നതിനും ലക്ഷ്യമിട്ട് ഗവര്ണര് സയ്യിദ് സഊദ് ബിന് ഹിലാല് അല് ബുസൈദിയുടെയും ഒമാന് മെഡിക്കല് സ്പെഷ്യാലിറ്റി ബോര്ഡ് സി ഇ ഒയും ആരോഗ്യ മേഖല എംപ്ലോയ്മെന്റ് ഗവേണേഴ്സ് കമ്മിറ്റി ചെയര്പേഴ്സനുമായ ഡോ. ഫാത്വിമ ബിന്ത് മുഹമ്മദ് അല് അജ്മിയും അടുത്തിടെ കൂടിക്കാഴ്ച നടത്തിയിരുന്നു. തൊഴില് വിപണി ആവശ്യങ്ങള്ക്ക് അനുസൃതമായി സ്പെഷ്യലൈസേഷനുകളില് ആരോഗ്യ ബിരുദ ധാരികള്ക്ക് വീണ്ടും പരിശീലനം നല്കും. ദന്ത ഡോക്ടര്മാര്, ഫാര്മസിസ്റ്റുകള്, മെഡിക്കല് കോഡര്മാര് എന്നിവര്ക്ക് നിയമനം നടക്കുന്നതിനുള്ള പദ്ധതികളും ചര്ച്ച ചെയ്തു. മെഡിക്കല് മേഖലയിലെ തൊഴില് ആവശ്യകതകള് വിലയിരുത്തി ആവശ്യമായ ജീവനക്കാരുടെ എണ്ണം നിര്ണയിക്കും. മേഖലയില് സ്വദേശികള്ക്ക് സുസ്ഥിരമായ തൊഴില് ഉറപ്പാക്കുകയാണ് ലക്ഷ്യം.
.jpg)
Related News
