ദുബായ്: ഹ്യൂമന്‍-മെഷിന്‍ കൊളാബറേഷന്‍ ഐക്കണ്‍സിന് ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന്‍ ബിന്‍ മുഹമ്മദ് ബിന്‍ റാശിദ് അല്‍ മക്തൂം അംഗീകാരം നല്‍കി. ഗവേഷണം, പ്രസിദ്ധീകരണം, ഉള്ളടക്ക ഉത്പാദനം എന്നിവ എങ്ങനെ സൃഷ്ടിക്കപ്പെടുന്നു എന്നതിലെ സുതാര്യത ഉറപ്പാക്കുന്നതിനുള്ള ലോകത്തിലെ ആദ്യ സംവിധാനമാണിത്. ഗവേഷണം, പ്രസിദ്ധീകരണം, ഉള്ളടക്ക ഉത്പാദനം എന്നിവയില്‍ മനുഷ്യരും യന്ത്ര ഇന്റലിജന്‍സും തമ്മിലുള്ള സഹകരണത്തിന്റെ നിലവാരം സംബന്ധിച്ച സുതാര്യത വര്‍ധിപ്പിക്കുന്നതിനായി ദുബായ് ഫ്യൂച്ചര്‍ ഫൗണ്ടേഷന്‍ വികസിപ്പിച്ചെടുത്തതാണ് ഈ സംരംഭമെന്ന് ശൈഖ് ഹംദാന്‍ പറഞ്ഞു.

ഉത്തരവാദിത്തമുള്ള നവീനതയുടെ തത്വങ്ങള്‍ സ്ഥാപിക്കുന്നതിലും എല്ലാവര്‍ക്കും അവസരങ്ങള്‍ നല്‍കുന്നതിലൂടെയും ഭാവിയിലേക്കുള്ള വിവിധ മേഖലകളുടെ സന്നദ്ധത വര്‍ധിപ്പിക്കുന്നതിലൂടെയും ഉള്‍ക്കൊള്ളല്‍ പ്രോത്സാഹിപ്പിക്കുന്നതിനും ഇത് അവസരം ഒരുക്കും.

'ലോകമെമ്പാടുമുള്ള എല്ലാ ഗവേഷകരോടും ഉള്ളടക്ക സഷ്ടാക്കളോടും സ്ഥാപനങ്ങളോടും ഈ പുതിയ വര്‍ഗീകരണത്തില്‍ നിന്ന് പ്രയോജനം നേടാനും അത് ഉത്തരവാദിത്തത്തോടെയും ആളുകള്‍ക്ക് പ്രയോജനകരമായ രീതിയിലും ഉപയോഗിക്കാനും ഞങ്ങള്‍ അഭ്യര്‍ഥിക്കുന്നു. ' കിരീടാവകാശി പറഞ്ഞു.