ഷാര്ജ: 2025-2026 അധ്യയന വര്ഷത്തില് ഷാര്ജ അല് ഖാസിമിയ യൂനിവേഴ്സിറ്റിയില് പ്രവേശനം നേടിയ 500 പ്രവാസി വിദ്യാര്ഥികള്ക്ക് പഠന സ്കോളര്ഷിപ് നല്കും. ഇതിനായുള്ള ധനബജറ്റിന് യു.എ.ഇ സുപ്രീം കൗണ്സില് അംഗവും ഷാര്ജ ഭരണാധികാരിയുമായ ശൈഖ് ഡോ. സുല്ത്താന് ബിന് മുഹമ്മദ് അല് ഖാസിമി അംഗീകാരം നല്കി. കോളജ് ഓഫ് ശരീഅ ആന്ഡ് ഇസ്ലാമിക് സ്റ്റഡീസ്, കോളജ് ഓഫ് ആര്ട്സ് ആന്ഡ് ഹ്യുമാനിറ്റീസ്, കോളജ് ഓഫ് ഇക്കണോമിക്സ് ആന്ഡ് അഡ്മിനിസ്ട്രേഷന്, കോളജ് ഓഫ് കമ്യൂണിക്കേഷന്, കോളജ് ഓഫ് ഹോളി ഖുര്ആന് എന്നീ കോളജുകളില് പ്രവേശനം നേടിയ വിദ്യാര്ഥികള്ക്കാണ് സ്കോളര്ഷിപ് നല്കുക.
സര്വകലാശാലയുടെ വിവിധ സ്പെഷലൈസേഷനുകളിലേക്കും കോളജുകളിലേക്കും ആദ്യ സെമസ്റ്ററില് പ്രവേശനം ലഭിച്ച വിവിധ രാജ്യങ്ങളില്നിന്നുള്ള പുരുഷ-വനിത വിദ്യാര്ഥികള്ക്കാണ് സ്കോളര്ഷിപ്പിന് അര്ഹത. ലോകമെമ്പാടുമുള്ള വിദ്യാര്ഥികള്ക്ക് ഉന്നത വിദ്യാഭ്യാസം വാഗ്ദാനം ചെയ്യുന്ന സര്വകലാശാലയുടെ സവിശേഷ നടപടികള്ക്കുള്ള പിന്തുണ എന്നനിലയിലാണ് ധനസഹായം അനുവദിച്ചത്. വിദ്യാര്ഥികള്ക്ക് ഉചിതമായ വിദ്യാഭ്യാസ പരിശീലന അന്തരീക്ഷം വളര്ത്തിയെടുക്കുന്ന ശാസ്ത്രീയ ഗവേഷണങ്ങള്ക്കും കമ്യൂണിറ്റി സേവനങ്ങള്ക്കുള്ള ഫണ്ടും അനുവദിച്ചിട്ടുണ്ട്.
.jpg)
Related News
