റിയാദ്: സൗദി തലസ്ഥാന നഗരിയില് സല്ഫ് ഡ്രൈവിംഗ് ടാക്സി സര്വിസിന് തുടക്കം. റിയാദ് നഗരത്തിലെ ആദ്യത്തെ 'സെല്ഫ് ഡ്രൈവിങ് ടാക്സി' സര്വിസ് ഗതാഗത, ലോജിസ്റ്റിക്സ് മന്ത്രി എന്ജി. സ്വാലിഹ് അല്ജാസര് ഉദ്ഘാടനം ചെയ്തു. തുടക്കത്തില് കിങ് ഖാലിദ് അന്താരാഷ്ട്ര വിമാനത്താവളത്തിലെ രണ്ട്, അഞ്ച് ടെര്മിനലുകള്, റോഷന് ബിസിനസ് ഫ്രന്റ് എന്നിവിടങ്ങളടക്കം നഗരത്തിലെ ഏഴിടങ്ങളിലാണ് സെല്ഫ് ഡ്രൈവിങ് ടാക്സി കാര് ലഭ്യമാക്കിയിരിക്കുന്നത്. ഭാവിയില് രാജ്യത്തുടനീളം ഈ ടാക്സി സര്വിസ് ലഭ്യമാക്കും
പൊതുഗതാഗത അതോറിറ്റിയുടെ നേരിട്ടുള്ള നിയന്ത്രണ, സാങ്കേതിക മേല്നോട്ടത്തില് എക്സ്പ്രസ് റോഡുകളിലും നഗരത്തിലെ തെരഞ്ഞെടുക്കപ്പെട്ട പ്രധാന കേന്ദ്രങ്ങളിലുമാണ് ടാക്സി പോയിന്റുകള് ഒരുക്കിയിട്ടുള്ളത്. സുരക്ഷ ഉറപ്പാക്കുന്നതിനും സ്മാര്ട്ട് സിസ്റ്റങ്ങളുടെ പ്രവര്ത്തനം നിരീക്ഷിക്കുന്നതിനുമായി ഓരോ വാഹനത്തിലും ഒരു സുരക്ഷാ ഉദ്യോഗസ്ഥന് ഉണ്ടായിരിക്കും. പരമാവധി സുരക്ഷ ഉറപ്പാക്കാന് ഓരോ വാഹനത്തിലും സംയോജിത സംവിധാനം സജ്ജീകരിക്കും. ഇത് പരീക്ഷണ ഘട്ടമാണ്. ഒരു വര്ഷത്തിന് ശേഷം സര്വിസ് നഗരത്തിന്റെ മറ്റ് ഭാഗങ്ങളിലേക്കും രാജ്യത്തുടനീളവും വ്യാപിപ്പിക്കും.
പദ്ധതിയുടെ പ്രാരംഭമെന്ന നിലയില് റിയാദിലെ ഏഴ് സുപ്രധാന മേഖലകളിലാണ് ടാക്സി സര്വിസ് ലഭ്യമാക്കുന്നതെന്ന് പബ്ലിക് ട്രാന്സ്പോര്ട്ട് ജനറല് അതോറിറ്റി അണ്ടര് സെക്രട്ടറി ഡോ. ഉമൈമ ബാംസഖ് പറഞ്ഞു. കിങ് ഖാലിദ് അന്താരാഷ്ട്ര വിമാനത്താവളത്തിലെ രണ്ട്, അഞ്ച് ടെര്മിനലുകള്, റോഷന് ബിസിനസ് പാര്ക്ക്, വിവിധ എക്സ്പ്രസ് റോഡുകളിലെ കണക്ഷന് പോയിന്റുകള്, അമീറ നൂറ സര്വകലാശാല, നോര്ത്തേണ് റെയില്വേ സ്റ്റേഷന്, നഗരത്തിന്റെ വടക്കുഭാഗത്തുള്ള ജനറല് ട്രാന്സ്പോര്ട്ട് അതോറിറ്റി ആസ്ഥാനം എന്നിവിടങ്ങളിലാണ് ആ ഏഴ് ടാക്സി പോയിന്റുകള്. ഇതിനോട് ചേര്ന്നാണ് 13 ഡ്രോപ്പ്-ഓഫ്, പിക്ക്-അപ്പ് സ്റ്റേഷനുകള് ഒരുക്കിയിട്ടുള്ളത്.
.jpg)
Related News
