ജനീവ- ജനീവ തടാകത്തില്‍ മുങ്ങിമരിച്ച സൗദി പൗരന്റെ മൃതദേഹം നാട്ടിലെത്തിക്കാന്‍ സൗദി അറേബ്യയുടെ ജനീവയിലെ കോണ്‍സുലേറ്റ് നടപടികള്‍ ആരംഭിച്ചു. സൗദി പൗരന്റെ മരണത്തില്‍ അടിയന്തര അന്വേഷണം നടത്തുമെന്ന് ജനീവയിലെ സൗദി കോണ്‍സുലേറ്റ് ജനറല്‍ അറിയിച്ചു. മൃതദേഹം സൗദി അറേബ്യയിലേക്ക് കൊണ്ടുപോകുന്നതിനുള്ള നടപടിക്രമങ്ങള്‍ പൂര്‍ത്തിയാക്കാന്‍ സ്വിസ് അധികാരികളുമായി ചേര്‍ന്ന് പ്രവര്‍ത്തിച്ചുവരികയാണെന്ന് കോണ്‍സുലേറ്റ് വ്യക്തമാക്കി.

ഇതുമായി ബന്ധപ്പെട്ട എല്ലാ ക്രമീകരണങ്ങളും പൂര്‍ത്തിയാക്കാന്‍ ജനീവയിലെ അധികാരികളുമായി ഏകോപനം തുടരുകയാണെന്ന് കോണ്‍സുലേറ്റ് പ്രസ്താവനയില്‍ അറിയിച്ചു. മരിച്ചയാളുടെ കുടുംബത്തെ കോണ്‍സുലേറ്റും ജീവനക്കാരും അനുശോചനം അറിയിച്ചു. കുടുംബത്തിന് ഈ ദുഃഖം താങ്ങാനുള്ള ശക്തിയുണ്ടാകട്ടെ എന്നും പ്രസ്താവനയില്‍ കൂട്ടിച്ചേര്‍ത്തു.