കോഴിക്കോട് : പ്രവാസി ക്ഷേമ ബോര്ഡില് തീര്പ്പാവാതെ കെട്ടിക്കിടക്കുന്ന പെന്ഷന് അപേക്ഷകള് പരിഹരിച്ച് വിതരണം ചെയ്യുന്നതിന് സര്ക്കാര് അടിയന്തര നടപടി സ്വീകരിക്കണമെന്ന് നാഷണല് പ്രവാസി ലീഗ് സംസ്ഥാന കമ്മിറ്റി ആവശ്യപ്പെട്ടു. പ്രായഭേദമന്യേ എല്ലാ പ്രവാസികള്ക്കും ക്ഷേമനിധിയില് ചേരാനുള്ള സാഹചര്യമുണ്ടാക്കണം. ആഘോഷ-അവധി വേളകളില് അമിത യാത്രാ നിരക്കിലൂടെ പ്രവാസികളെ കൊള്ളയടിക്കുന്ന വിമാന കമ്പനികള്ക്കെതിരെ കേന്ദ്ര സര്ക്കാര് ഇടപെടണമെന്നും, നാട്ടില് തിരിച്ചെത്തി പത്തുവര്ഷം കഴിഞ്ഞ പ്രവാസികള്ക്ക് സാന്ത്വന ആനുകൂല്യങ്ങള് പ്രഖ്യാപിക്കണമെന്നും യോഗം പ്രമേയത്തിലൂടെ ആവശ്യപ്പെട്ടു.
നാഷണല് ലീഗ് സംസ്ഥാന ഓര്ഗനൈസിംഗ് സെക്രട്ടറി എന്.കെ. അബ്ദുള് അസീസ് ഉദ്ഘാടനം ചെയ്തു. എന്.പി.എല് സംസ്ഥാന പ്രസിഡന്റ് ബഷീര് അഹമദ് ബേപ്പൂര് അദ്ധ്യക്ഷത വഹിച്ചു. സാലിം ബേക്കല്, സലീം പാടത്ത്, മുഹമ്മദ് മാസ്റ്റര്, മുഹമ്മദലി മഞ്ചേരി, എന്നിവര് സംസാരിച്ചു. ജാഫര് മേടപ്പില് സ്വാഗതവും റാഫി രാമനാട്ടുകര നന്ദിയും പറഞ്ഞു.
പുതിയ സംസ്ഥാന ഭാരവാഹികളായി പ്രസിഡന്റ് ബഷീര് അഹമ്മദ് ബേപ്പൂര്, വൈസ് പ്രസിഡണ്ട് ഹാരിസ് പയ്യാനക്കല്, ജനറല് സെക്രട്ടറി സാലിം ബേക്കല്, ഓര്ഗനൈസിംഗ് സെക്രട്ടറി സലീം പാടത്ത്, സെക്രട്ടറി ജാഫര് മേടപ്പില്, ട്രഷറര് അസീസ് മലപ്പുറം എന്നിവരെ തിരഞ്ഞെടുത്തു.
.jpg)
Related News
