അബഹ: തീ പൊള്ളലേറ്റ് ചികിത്സയിലായിരുന്ന പെരിന്തല്‍മണ്ണ സ്വദേശി അബഹയില്‍ മരിച്ചു. പെരിന്തല്‍മണ്ണ തേക്കിന്‍ക്കോടിലെ മുന്‍കാല ടാക്‌സി ഡ്രൈവറും, ഫുട്‌ബോള്‍ താരവുമായിരിരുന്ന ആറങ്ങോടന്‍ സുബൈറിന്റെ മകന്‍ നിഷാദലി (42) ആണ് അസീര്‍ ആശുപത്രിയില്‍ മരിച്ചത്. കഴിഞ്ഞ മെയ് 10 ന് ഖുന്‍ഫുദക്കടുത്ത് ബാരിക്കിലെ താമസ സ്ഥലത്ത് വച്ചാണ് പൊള്ളലേറ്റത്. ഗ്യാസില്‍ നിന്ന് തീപടര്‍ന്നാണ് നിഷാദിന് പൊള്ളലേറ്റത്.

മാതാവ് : പെരിന്തല്‍മണ്ണ പൂപ്പലത്തെ താമരത്ത് റുഖിയ. ഭാര്യ : താഴെക്കോട് മാമ്പറ്റക്കുന്നിലെ പേരഞ്ചി ശരീഫ. മക്കള്‍ : ഫാത്തിമ മെഹറിന്‍, മെഹ്ഫില്‍. മൃതദേഹം നടപടിക്രമങ്ങള്‍ക്കു ശേഷം അബഹയില്‍ ഖബറടക്കും.