ദുബായ്: ലോകത്തിലെ ഏറ്റവും സുരക്ഷിതമായ പത്ത് നഗരങ്ങളില് ഏറ്റവും മുന്നില് യു.എ.ഇ തലസ്ഥാനമായ അബൂദാബി. അന്താരാഷ്ട്ര റേറ്റിങ് വെബ്സൈറ്റായ നംബിയോയുടെ സേഫ്റ്റി ഇന്ഡെക്സിലാണ് ഈ വെളിപ്പെടുത്തല്. ആദ്യ പത്തില് ഗള്ഫിലെ മറ്റു നഗരങ്ങളും ഇടം പിടിച്ചിട്ടുണ്ട്. ഇതില് ആദ്യ അഞ്ചെണ്ണവും ഗള്ഫ് നഗരങ്ങളാണ്. സുരക്ഷിത നഗരങ്ങളില് രണ്ടാം സ്ഥാനം അജ്മാനാണ്. മൂന്നാം സ്ഥാനത്ത് ഷാര്ജയാണ്. ഖത്തര് തലസ്ഥാനമായ ദോഹയാണ് നാലാം സ്ഥാനത്ത്. ദുബായ് അഞ്ചാം സ്ഥാനം കരസ്ഥമാക്കി.
തയ് വാനിലെ തായ്പേയി, കാനഡയിലെ ക്യൂബെക് സിറ്റി, സ്വിറ്റ്സര്ലന്ഡിലെ ബാസല്, ജനര്മനിയിലെ മ്യൂണിച്ച്, നെതര്ലാന്ഡിലെ ഐന്ഡ്ഹോവന് എന്നിവയാണ് ആദ്യ പത്തിലെ മറ്റു നഗരങ്ങള്. റാസല്ഖൈമയും ഒമാന് തലസ്ഥാനമായ മസ്കത്തിനും തുടര്ന്നുള്ള സ്ഥാനങ്ങളുണ്ട്.
പട്ടികയില് എണ്പത്തിയഞ്ചാം സ്ഥാനത്തുള്ള വഡോദരയാണ് സുരക്ഷിതനഗരങ്ങളുടെ പട്ടികയില് മുന്നിലുള്ള ഇന്ത്യന് നഗരം. കേരളത്തില് നിന്ന് തിരുവനന്തപുരം ആഗോളതലത്തില് 148ാം സ്ഥാനത്തായി പട്ടികയിലുണ്ട്. കുറഞ്ഞ കുറ്റകൃത്യങ്ങളുടെയും മറ്റും അടിസ്ഥാനത്തിലാണ് നഗരങ്ങളുടെ സേഫ്റ്റി ഇന്ഡെക്സ് തയാറാക്കുന്നത്.
.jpg)
Related News
