ദോഹ:ഗാസയില് അല്-ജസീറയുടെ മാധ്യമപ്രവര്ത്തകരെ കൊലപ്പെടുത്തിയ ഇസ്രയേലിന്റെ നടപടി സങ്കല്പ്പത്തിനുമപ്പുറമുള്ള കുറ്റകൃത്യമാണെന്ന് ഖത്തര് പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന് അബ്ദുള്റഹ്മാന് ബിന് ജാസിം അല്-താനി. മാധ്യമപ്രവര്ത്തകരെ ഇസ്രായേല് ബോധപൂര്വം ലക്ഷ്യം വെക്കുകയായിരുന്നു.
ഗാസയില് ഇസ്രായേല് നടത്തുന്ന വംശഹത്യയെ ഫലപ്രദമായി തടയാന് അന്താരാഷ്ട്ര സമൂഹത്തിനും അതിന്റെ നിയമങ്ങള്ക്കും കഴിയുന്നില്ല. ഇതിനിടയിലാണ് ഗാസ മുനമ്പില് മാധ്യമപ്രവര്ത്തകരെ ഇസ്രായേല് മനഃപൂര്വ്വം ലക്ഷ്യം വെച്ചത്. ഭാവനയ്ക്കും അപ്പുറമാണ് ഈ കുറ്റകൃത്യം. 'അനസ് അല്-ഷെരീഫ്, മുഹമ്മദ് ഖറൈഖിയ, അവരുടെ സഹപ്രവര്ത്തകര് എന്നിവരോട് ദൈവം കരുണ കാണിക്കട്ടെ'- പ്രധാനമന്ത്രി തന്റെ ഔദ്യോഗിക എക്സ് അക്കൗണ്ടില് കുറിച്ചു. മാധ്യമപ്രവര്ത്തകരെ കൊന്നുതള്ളിയ ഇസ്രായേല് നടപടിയെ ഖത്തര് പ്രധാനമന്ത്രി ശക്തമായി അപലപിച്ചു.
.jpg)
Related News
