റിയാദ്: സൗദി അറേബ്യയില് മക്ക, മദീന ഒഴികെയുള്ള എല്ലാ പ്രദേശങ്ങളിലെയും അധ്യാപകര് അവധിക്ക് ശേഷം ഇന്ന് (ഞായറാഴ്ച) സ്കൂളുകളില് ഔദ്യോഗികമായി ജോലിയില് പ്രവേശിച്ചു. മക്ക, മദീന, ജിദ്ദ, തായിഫ് എന്നിവിടങ്ങളില് സൂപ്പര്വൈസര്മാരും അഡ്മിനിസ്ട്രേറ്റര്മാരും നേരത്തെ തന്നെ മടങ്ങിയെത്തിയിരുന്നു. ഫലപ്രദമായ അധ്യയന വര്ഷം ഉറപ്പാക്കുന്നതിനും പൂര്ണ്ണമായ തയ്യാറെടുപ്പുകള്ക്കുമായി വിദ്യാഭ്യാസ മന്ത്രാലയം വിപുലമായ ക്രമീകരണങ്ങളാണ് ഒരുക്കിയിട്ടുള്ളത്.
പുതിയ അധ്യയന വര്ഷത്തില് വിദ്യാര്ത്ഥികള്ക്കായുള്ള മുഴുവന് സമയ ക്ലാസ്സുകള് അടുത്ത ഞായറാഴ്ച (ഓഗസ്റ്റ് 24) മുതല് ആരംഭിക്കും. രാജ്യത്തെ എല്ലാ പൊതു, സ്വകാര്യ സ്കൂളുകളിലും എല്ലാ തലത്തിലുമുള്ള വിദ്യാര്ഥികള്ക്കും ക്ലാസ്സുകള് പുനരാരംഭിക്കും.
അധ്യാപകര് സ്കൂളുകളിലേക്ക് മടങ്ങിയെത്തിയതോടെ അക്കാദമിക് കലണ്ടര് അനുസരിച്ചുള്ള അധ്യയന പ്രവര്ത്തനങ്ങള്ക്കുള്ള ഒരുക്കങ്ങള് സജീവമായി. പുതിയ അധ്യയന വര്ഷത്തെ വരവേല്ക്കാന് സ്കൂളുകള് പൂര്ണമായും സജ്ജമായിക്കഴിഞ്ഞു.
.jpg)
Related News
