ഗാസസിറ്റി: ഗാസ വെടിനിര്ത്തല് നിര്ദേശങ്ങള് അംഗീകരിച്ച് ഹമാസ്. ഖത്തറും ഈജിപ്തുമാണ് നിര്ദേശങ്ങള് ഹമാസിനു മുമ്പില് വെച്ചത്. ഗാസയില് ഹമാസിന്റെ പക്കലുള്ള ബന്ദികളുടെ പകുതി പേരെ വിട്ടയക്കുന്നതിനും ചില ഫലസ്തീന് തടവുകാരെ ഇസ്രായേല് മോചിപ്പിക്കുന്നതും ഉള്പ്പെടുന്ന 60 ദിവസത്തെ വെടിനിര്ത്തലിനാണ് സമ്മതമറിയിച്ചത്.
മധ്യസ്ഥര് അവതരിപ്പിച്ച പുതിയ നിര്ദേശങ്ങള് അംഗീകാരിച്ചതായി ഹമാസിന്റെ മുതിര്ന്ന ഉദ്യോഗസ്ഥന് ബാസെം നയിം വ്യക്തമാക്കിയതായി റോയിട്ടേഴ്സ് റിപ്പോര്ട്ട് ചെയ്തു. ഇസ്രായേലി സൈനിക നടപടികള് താത്കാലികമായി നിര്ത്തിവെയ്ക്കുന്നതോടൊപ്പം വംശഹത്യ അവസാനിപ്പിക്കുന്നതിനുള്ള സമഗ്രമായ കരാറിനുള്ള വഴിയാെരുക്കുന്നതും പുതിയ വെടിനിര്ത്തല് കരാറില് ഉള്പ്പെട്ടിട്ടുണ്ടെന്ന് ഈജിപ്ഷ്യന് ഔദ്യോഗിക വൃത്തങ്ങള് വെളിപ്പെടുത്തി.
അതേസമയം ഗാസ സിറ്റി പിടിക്കുമെന്ന ഭയത്തിലാണ് ഹമാസ് വെടിനിര്ത്തലിന് തയ്യാറാകുന്നതെന്ന് ഇസ്രായേല് ആരോപിച്ചു. ഇതിനിടെ വെടിനിര്ത്തല് ആവശ്യപ്പെട്ട് ഇസ്രായേലില് ലക്ഷങ്ങളുടെ പ്രതിഷേധം അരങ്ങേറുകയാണ്. യുദ്ധം അവസാനിപ്പിച്ച് ബന്ദികളെ സുരക്ഷിതമായി തിരിച്ചു കൊണ്ടുവരണമെന്നാവശ്യപ്പെട്ട് ഇസ്രായേലില് വ്യാപക പ്രക്ഷോഭമാണ് അരങ്ങേറുന്നത്. തലസ്ഥാനമായ തെല് അവിവില് പതിനായിരങ്ങളാണ് തെരുവിലിറങ്ങിയത്. യുദ്ധവിരുദ്ധ പ്രവര്ത്തകര് ജെറൂസലം-തെല് അവിവ് ഹൈവേ ഉപരോധിച്ചു.
.jpg)
Related News
