ജിദ്ദ: 45-ാമത് കിംഗ് അബ്ദുല്‍ അസീസ് അന്താരാഷ്ട്ര വിശുദ്ധ ഖുര്‍ആന്‍ മനഃപാഠമാക്കല്‍, പാരായണം, വ്യാഖ്യാനം എന്നിവയ്ക്കായുള്ള മത്സരത്തിലെ വിജയികളെ ഇസ്ലാമിക കാര്യ, കാള്‍ ആന്‍ഡ് ഗൈഡന്‍സ് മന്ത്രി ഷെയ്ഖ് ഡോ. അബ്ദുല്ലത്തീഫ് ബിന്‍ അബ്ദുല്‍ അസീസ് അല്‍ അല്‍-ഷെയ്ഖ് പ്രഖ്യാപിച്ചു.

സഫര്‍ 15 മുതല്‍ 26 വരെ മക്കയിലെ മസ്ജിദുല്‍ ഹറാമില്‍ നടന്ന മത്സരത്തില്‍ 128 രാജ്യങ്ങളില്‍ നിന്നുള്ള 179 മത്സരാര്‍ത്ഥികളാണ് പങ്കെടുത്തത്. അഞ്ച് വിഭാഗങ്ങളിലായി നടന്ന മത്സരത്തില്‍ ആകെ 4,000,000 റിയാലാണ് സമ്മാനത്തുകയായി നല്‍കിയത്.

വിജയികളുടെ വിവരങ്ങള്‍ താഴെക്കൊടുക്കുന്നു:

ഒന്നാം വിഭാഗം
ഒന്നാം സ്ഥാനം: മുഹമ്മദ് ആദം മുഹമ്മദ് (ചാഡ്) - 500,000 റിയാല്‍

രണ്ടാം സ്ഥാനം: അനസ് ബിന്‍ മാജിദ് അല്‍-ഹസ്മി (സൗദി അറേബ്യ) - 450,000 റിയാല്‍

മൂന്നാം സ്ഥാനം: സനൂസി ബുഖാരി ഇദ്രീസ് (നൈജീരിയ) - 400,000 റിയാല്‍

രണ്ടാം വിഭാഗം
ഒന്നാം സ്ഥാനം: മന്‍സൂര്‍ ബിന്‍ മുതബ് അല്‍-ഹര്‍ബി (സൗദി അറേബ്യ) - 300,000 റിയാല്‍

രണ്ടാം സ്ഥാനം: അബ്ദുല്‍ വദൂദ് ബിന്‍ സെദിറ (അള്‍ജീരിയ) - 275,000 റിയാല്‍

മൂന്നാം സ്ഥാനം: ഇബ്രാഹിം ഖൈര്‍ അല്‍-ദിന്‍ മുഹമ്മദ് (എത്യോപ്യ) - 250,000 റിയാല്‍

മൂന്നാം വിഭാഗം
ഒന്നാം സ്ഥാനം: മുഹമ്മദ് ദമാജ് അല്‍-ഷുവാഇ (യെമന്‍) - 200,000 റിയാല്‍

രണ്ടാം സ്ഥാനം: മുഹമ്മദ് മുഹമ്മദ് കോസി (ചാഡ്) - 190,000 റിയാല്‍

മൂന്നാം സ്ഥാനം: ബദര്‍ ജാങ് (സെനഗല്‍) - 180,000 റിയാല്‍

നാലാം സ്ഥാനം: മുഹമ്മദ് അമീന്‍ ഹസ്സന്‍ (അമേരിക്ക) - 170,000 റിയാല്‍

അഞ്ചാം സ്ഥാനം: മുഹമ്മദ് കമാല്‍ മന്‍സി (പാലസ്തീന്‍) - 160,000 റിയാല്‍

നാലാം വിഭാഗം
ഒന്നാം സ്ഥാനം: നസ്ര്‍ അബ്ദുല്‍ മജീദ് ആമിര്‍ (ഈജിപ്ത്) - 150,000 റിയാല്‍

രണ്ടാം സ്ഥാനം: ബയോ വിബ്സൊണോ (ഇന്തോനേഷ്യ) - 140,000 റിയാല്‍

മൂന്നാം സ്ഥാനം: താഹിര്‍ പട്ടേല്‍ (ലാ റീയൂണിയന്‍ ദ്വീപ്) - 130,000 റിയാല്‍

നാലാം സ്ഥാനം: യൂസഫ് ഹസ്സന്‍ ഉസ്മാന്‍ (സൊമാലിയ) - 120,000 റിയാല്‍

അഞ്ചാം സ്ഥാനം: ബൂബക്കര്‍ ഡികോ (മാലി) - 110,000 റിയാല്‍

അഞ്ചാം വിഭാഗം
ഒന്നാം സ്ഥാനം: അന്‍വി ഇന്ററാറ്റ് (തായ്ലന്‍ഡ്) - 65,000 റിയാല്‍

രണ്ടാം സ്ഥാനം: സലാഹുദ്ദീന്‍ ഹുസ്സാം വസാനി (പോര്‍ച്ചുഗല്‍) - 60,000 റിയാല്‍

മൂന്നാം സ്ഥാനം: ചിയാങ് വാന സു (മ്യാന്‍മര്‍) - 55,000 റിയാല്‍

നാലാം സ്ഥാനം: അബ്ദുല്‍റഹ്‌മാന്‍ അബ്ദുല്‍മുനിം (ബോസ്‌നിയ ആന്‍ഡ് ഹെര്‍സെഗോവിന) - 50,000 റിയാല്‍

അഞ്ചാം സ്ഥാനം: അനീസ് ഷാല (കൊസോവോ) - 45,000 റിയാല്‍

മത്സരാര്‍ത്ഥികളുടെ നിലവാരത്തെ മന്ത്രി പ്രശംസിക്കുകയും വിജയികളെയും അവരുടെ കൂടെയുള്ളവരെയും അഭിനന്ദിക്കുകയും ചെയ്തു. വിശുദ്ധ ഖുര്‍ആനിനെ പരിപാലിക്കുന്നതിനും ഈ മത്സരത്തിന് സ്‌പോണ്‍സര്‍ ചെയ്യുന്നതിനും ലോകമെമ്പാടുമുള്ള ഖുര്‍ആന്‍ പണ്ഡിതന്മാരെ ആദരിക്കുന്നതിനും സല്‍മാന്‍ രാജാവിനും കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനും അദ്ദേഹം നന്ദി അറിയിച്ചു.