ജിദ്ദ: സ്വകാര്യ സന്ദര്‍ശനാര്‍ത്ഥം ജിദ്ദയിലെത്തിയ മുസ്ലിം ലീഗ് എറണാകുളം ജില്ലാ വര്‍ക്കിംഗ് പ്രസിഡന്റ് ഇബ്രാഹിം കവലയിലിന് കെഎംസിസി ജിദ്ദ - എറണാകുളം ജില്ലാ കമ്മിറ്റിയുടെ ആഭിമുഖ്യത്തില്‍ സ്വീകരണം നല്‍കി.

പ്രബുദ്ധ കേരളത്തിന്റെ പുരോഗമന കാഴ്ച്ചപ്പാടുകളും മതനിരപേക്ഷ നിലപാടുകളും മുഴുവന്‍ സംസ്ഥാനങ്ങള്‍ക്കും മാതൃകയാണ്, അത്തരത്തിലൊരു കാഴ്ച്ചപ്പാട് വികസിപ്പിക്കുന്നതില്‍ മുസ്ലിം ലീഗിന്റെ പങ്ക് വളരെ വലുതാണെന്ന് അദ്ദേഹം അഭിപ്രായപ്പെട്ടു. ജനങ്ങളുടെ വൈവിധ്യമാര്‍ന്ന അഭിപ്രായങ്ങളെ സര്‍ഗ്ഗാത്മകമായി സമന്വയിപ്പിക്കുന്നതിലൂടെ ഐക്യവും അംഗീകാരവും നേടിയെടുക്കുന്നതില്‍ ഓരോരുത്തരുടേയും പങ്ക് വലുതാണെന്നും അദ്ദേഹം പറഞ്ഞു.

കെ എം സി സി ജിദ്ദാ സെന്‍ട്രല്‍ കമ്മിറ്റി ഉപാധ്യക്ഷന്‍ റസാഖ് മാസ്റ്റര്‍ അധ്യക്ഷത വഹിച്ചു. സെന്‍ട്രല്‍ കമ്മിറ്റി ജന.സെക്രട്ടറി വി.പി. മുസ്തഫ സ്വാഗതവും സെന്‍ട്രല്‍ കമ്മിറ്റി സെക്രട്ടറി നാസര്‍ മച്ചിങ്ങല്‍ നന്ദിയും പറഞ്ഞു.

കെ എം സി സി സൗദി ദേശീയ കമ്മിറ്റി സെക്രട്ടറി നാസര്‍ എടവനക്കാട്, ഉന്നതാധികാര സമിതി അംഗം നസീര്‍ വാവാക്കുഞ്ഞ്, ജുബൈല്‍ കെ എം സി സി പ്രസിഡണ്ട് ഷിബു ഇബ്രാഹിം, സൗത്ത് സോണ്‍ പ്രസിഡണ്ട് അനസ് പെരുമ്പാവൂര്‍, ജന സെക്രട്ടറി നാസര്‍ വേലഞ്ചിറ, നാസര്‍ വേലന്‍ചിറ, കെ എം സി സി എറണാകുളം ജില്ലാ കമ്മിറ്റി നേതാക്കളായ റഷീദ് ചാമക്കാടന്‍, ജാബിര്‍ മടിയൂര്‍ എന്നിവര്‍ പ്രസംഗിച്ചു.

അഷ്റഫ് മൗലവി പല്ലാരിമംഗലം, അബ്ദുല്‍ റഷീദ് ആലുവ, ഹംസ അറക്കല്‍, മുഹമ്മദ് പല്ലാരിമംഗലം , നൗഷാദ് എം സാലി പാനൂര്‍,
ശാഹുല്‍ പെഴക്കാപിള്ളി, അനസ് എന്നിവര്‍ സ്വീകരണ യോഗത്തിന് നേതൃത്വം നല്‍കി.