തിരുവനന്തപുരം: 2025 നവംബര് 1 മുതല് നോര്ക്ക റൂട്സ് (NORKA Roots) നടപ്പിലാക്കാനുദ്ദേശിക്കുന്ന ആരോഗ്യ-അപകട ഇന്ഷുറന്സ് പദ്ധതിയായ 'NORKA-CARE'-ല് കേരളത്തില് തിരിച്ചെത്തി സ്ഥിരതാമസമാക്കിയ പ്രവാസികള്ക്കും, നിലവില് വിദേശത്ത് ഉള്ള പ്രവാസികള്ക്ക് ലഭിക്കുന്നതുപോലെ അതേ നിബന്ധനകള്, പ്രീമിയം, ആനുകൂല്യങ്ങള് എന്നിവയില് ചേരാന് അനുമതി നല്കണമെന്ന് നോര്ക്ക റൂട്ട്സിനോടും കേരള സര്ക്കാരിനോടും പ്രവാസി ലീഗല് സെല് സംസ്ഥാന ഘടകം ആവശ്യപ്പെട്ടു.
ഈ പദ്ധതിയുടെ വിശദമായ നിബന്ധനകളും വ്യവസ്ഥകളും നോര്ക്ക റൂട്സ് ഇതുവരെ പുറത്തുവിട്ടിട്ടില്ല. നോര്ക്ക റൂട്സിന്റേതായി പുറത്തുവന്നിട്ടുള്ള ബ്രോഷറുകളില് നിന്നും നോര്ക്ക റൂട്സ് ഉദ്യോഗസ്ഥരുടെ പ്രസ്താവനകളില് നിന്നും മനസ്സിലാകുന്നത് 'പ്രവാസി ഐഡി കാര്ഡ്' ഉള്ള പ്രവാസികള്ക്ക് അതിന്റെ കാലാവധി തീരുവോളം പദ്ധതി അംഗത്വം തുടരാം എന്നാണ്. മടങ്ങിവന്ന പ്രവാസികള്ക്ക് നോര്ക്ക ഐ ഡി കാര്ഡ് അംഗത്വം പുതുതായി ലഭിക്കാനോ ഉള്ളത് പുതുക്കാനോ സാധിക്കാത്ത സാഹചര്യത്തില് 'നോര്ക്ക കെയറില്' അംഗത്വം ലഭിക്കില്ല എന്നുള്ള കാര്യം ഉറപ്പാണ്.
വിദേശങ്ങളില് ജോലി നോക്കുന്ന/വസിക്കുന്ന പ്രവാസികള്ക്ക് റെസിഡന്റ് ഐ ഡി പുതുക്കുന്നതുമായി ബന്ധപ്പെട്ട് നിര്ബന്ധിത മെഡിക്കല് ഇന്ഷുറന്സ് ആവശ്യമാണ്. എന്നാല് വിദേശത്തുനിന്ന് മടങ്ങിയെത്തി നാട്ടില് സ്ഥിരതാമസമാക്കിയ മുന് പ്രവാസികളാണ് കേരളത്തില് ഇന്ഷുറന്സ് പരിരക്ഷ ഇല്ലാതെ ബുദ്ധിമുട്ടുന്നത്, പ്രത്യേകിച്ച് 60-70+ പ്രായത്തിലുള്ള ആരോഗ്യപ്രശ്നങ്ങളുള്ള മുതിര്ന്നവര്. പല വിദേശ പ്രവാസികള്ക്കും അവരുടെ ആതിഥേയ രാജ്യത്തില് ഇന്ഷുറന്സ് നിലവിലുണ്ടാകാറുണ്ട്; അതിനാല് യഥാര്ത്ഥ ആവശ്യം മടങ്ങിയെത്തിയ പ്രവാസികള്ക്കാണ് കൂടുതല്.
അതുകൊണ്ട് സര്ക്കാര് മടങ്ങിയെത്തിയ പ്രവാസികളും NORKA-CARE-യില് ചേരാമെന്നത് വ്യക്തമാക്കുന്ന ഉത്തരവ് ഉടന് പുറപ്പെടുവിക്കണമെന്നും, NORKA Roots ഉം ഇന്ഷുറന്സ് കമ്പനിയുമായി ചേര്ന്ന് പോളിസി ഷെഡ്യൂള് ഭേദഗതി ചെയ്ത്, ആപ്പിലും പോര്ട്ടലിലും വേണ്ട മാറ്റങ്ങള് വരുത്തണമെന്നും PLഇ അഭ്യര്ത്ഥിച്ചു. ഇതൊരു ഗ്രൂപ്പ് ഇന്ഷുറന്സ് പദ്ധതി ആയതിനാല് പോളിസി എടുക്കുന്ന ഓരോ അംഗവും ആവശ്യമായ പ്രീമിയം അടക്കുന്നതിനാല് നോര്ക്ക റൂട്ട്സിനോ സര്ക്കാറിനോ അധികബാധ്യത ഉണ്ടാകുന്നില്ല.
ഈ ആവശ്യം ഉന്നയിച്ച് മുഖ്യമന്ത്രിക്കും നോര്ക്ക പ്രിന്സിപ്പല് സെക്രട്ടറിക്കും നോര്ക്ക റൂട്സ് സി ഇ ഓ-ക്കും PLC നിവേദനങ്ങള് നല്കിയിട്ടുണ്ട്.
.jpg)
Related News
