റിയാദ്: സൗദി അറേബ്യയില് സെക്കന്ഡറി സ്കൂള് പാഠ്യപദ്ധതിയില് ഫസ്റ്റ് എയ്ഡ് വിദ്യാഭ്യാസം ഉള്പ്പെടുത്തി. വിദ്യാര്ഥികള്ക്ക് അടിയന്തര മെഡിക്കല് സാഹചര്യങ്ങളില് ഇടപെടാനുള്ള പ്രായോഗിക കഴിവുകള് ലഭ്യമാക്കുകയാണ് ലക്ഷ്യം.
ആരോഗ്യ പ്രയാസങ്ങളുണ്ടായാല് നല്കേണ്ട പ്രാഥമിക ശുശ്രൂഷ, രക്തസ്രാവം, അപകടത്തില് പരിക്കേല്ക്കല്, പൊള്ളല്, സൂര്യതാപം, വൈദ്യുതാഘാതം തുടങ്ങി വിവിധ സാഹചര്യങ്ങളില് ഇടപെടാന് വിദ്യാര്ഥികളെ പ്രാപ്തരാക്കുന്നതാണ് പദ്ധതി. സിപിആര് പരിശീലനവും അടിയന്തര സാഹചര്യങ്ങളില് പ്രഥമ ശുശ്രൂഷ എന്നിവയും പാഠ്യ വിഷയങ്ങളില് വരും. സൗദിയിലെ പൊതു വിദ്യാലയങ്ങള്ക്കായാണ് പദ്ധതി.
വിദ്യാഭ്യാസ മന്ത്രാലയം, നാഷണല് കരിക്കുലം സെന്റര് തുടങ്ങിയവയുടെ സഹകരണത്തോടെയാണ് പദ്ധതി നടപ്പാക്കുന്നത്. സെക്കന്ഡറി സ്കൂളുകളിലാണ് തുടക്കം. ആരോഗ്യകരവും സുരക്ഷിതവുമായ സമൂഹം വളര്ത്തുക, സാമൂഹിക ഉത്തരവാദിത്തമുള്ള തലമുറയെ വാര്ത്തെടുക്കുക, അടിയന്തര സാഹചര്യങ്ങളില് വേഗത്തിലും ഫലപ്രദമായും പ്രതികരിക്കാന് കഴിയുന്ന യുവാക്കളെ വളര്ത്തുക തുടങ്ങിയവയാണ് ലക്ഷ്യം.
.jpg)
Related News
