റിയാദ്: റിയാദിലെ സാമൂഹിക കലാ സാംസ്കാരിക ജീവകാരുണ്യ പ്രവര്ത്തനങ്ങളില് ഇരുപത്തിയഞ്ച് വര്ഷമായി ഇന്ത്യന് പ്രവാസികള്ക്ക് സേവനങ്ങള് നല്കിവരുന് റിയാദ് ഇന്ത്യന് അസോസിയേഷന് സില്വര് ജൂബിലി ആഘോഷിച്ചു. സംസ്കാരിക സമ്മേളനം റിയാദ് ഇന്ത്യന് എംബസി ഡിസിഎം ഡോക്ടര് അംബു മാത്തന് ജോര്ജ്ജ് ഉദ്ഘാടനം ചെയ്തു. റിയാദിലെ സാമൂഹിക സംസ്കാരിക മേഖലയിലെ പ്രധാന സന്നദ്ധ സേവകരെ ചടങ്ങില് ആദരിച്ചു.
സാമൂഹിക പ്രവര്ത്തകര് ഷിഹാബ് കൊട്ടുകാട്, ഷിബു ഉസ്മാനൊപ്പം റിയാദിലെ എല്ലാ സംഘടനകളുടെയും നേതാക്കള് റിയാ സില്വര് ജൂബിലി ആഘോഷത്തില് പങ്കെടുത്തു. ഇരുപത്തിയഞ്ച് വര്ഷമായി റിയ യില് പ്രവര്ത്തിക്കുന്നവരെയും 2000 മുതല് ഓരോ വര്ഷത്തെ ഭാരവാഹികളെയും ആദരിച്ചു. റിയാദിലെ ഡ്യൂണ്സ് ഇന്റര്നാഷണല് സ്കൂളില് നടന്ന റിയാ സില്വര് ജൂബിലി ആഘോഷം ഇന്റര് സ്കൂള് ക്വിസ് ഫിനാലെ യോടുകൂടിയാണ് ആരംഭിച്ചത്.
മെഗാഷോ ആഘോഷത്തില് പ്രശസ്ത പിന്നണി ഗായകന് നിഖില് മാത്യുവും, പിന്നണി ഗായികയും, പെര്ക്യൂഷനിസ്റ്റുമായ ഡോക്ടര് സൗമ്യാ സനാതനനും റിയാദിലെ പ്രമുഖ നൃത്ത കലാ ഗ്രൂപ്പുകളും അവതരിപ്പിച്ച വിവിധ കലാ പരിപാടികള് കാണികളെ ആകര്ഷിച്ചു. വെള്ളിയാഴ്ച ഉച്ചയ്ക്ക് മൂന്ന് മണിക്ക് തുടങ്ങിയ ആഘോഷ പരിപാടികള് രാത്രി പതിനൊന്ന് മണിക്ക് വിഭവ സമൃദ്ധമായ ആഹാരത്തോടുകൂടി അവസാനിച്ചു. ആയിരത്തോളം പ്രവാസികള് ആഘോഷ പരിപാടികളില് പങ്കെടുത്തു. റിയായുടെ പ്രവര്ത്തനങ്ങള് ഏറ്റവും മികവുറ്റതാകാന് സഹകരിക്കുന്ന എല്ലാവരോടും സംഘാടകര് നന്ദി അറിയിച്ചു.
.jpg)
Related News
