കോഴിക്കോട്: വയനാട് എം പിയും കോണ്ഗ്രസ് നേതാവുമായ പ്രിയങ്ക ഗാന്ധി മര്കസ് നോളജ് സിറ്റിയിലെത്തി മാനേജിംഗ് ഡയറക്ടര് ഡോ. മുഹമ്മദ് അബ്ദുല് ഹകീം അസ്ഹരിയുമായി കൂടിക്കാഴ്ച നടത്തി. വിദ്യാഭ്യാസ- ആരോഗ്യ- വ്യവസായ മേഖലക്ക് വലിയ സംഭാവനകള് നല്കുന്ന മര്കസ് നോളജ് സിറ്റി തന്റെ മണ്ഡലത്തിലായതില് പ്രിയങ്ക സന്തോഷം പ്രകടിപ്പിച്ചതായി കൂടിക്കാഴ്ചക്ക് ശേഷം ഡോ. അസ്ഹരി മാധ്യമങ്ങളോട് പറഞ്ഞു. അതോടൊപ്പം, നോളജ് സിറ്റിയുടെ വളര്ച്ചക്കാവശ്യമായ സഹായ സഹകരണങ്ങള് ഉറപ്പുനല്കിയതായും ഡോ. അസ്ഹരി പറഞ്ഞു. ഇത് മണ്ഡലത്തിലെ തന്നെ വികസനത്തിന് വലിയ മുതല്ക്കൂട്ടാകുമെന്നും അവര് പറഞ്ഞു.
ഗ്രാന്ഡ് മുഫ്തി കാന്തപുരം എ പി അബൂബക്കര് മുസ്ലിയാരുടെ നേതൃത്വത്തില് നടക്കുന്ന പ്രവര്ത്തനങ്ങള്ക്ക് വലിയ സ്വാധീനമാണ് കാണാന് കഴിയുന്നതെന്നും അവര് അഭിപ്രായപ്പെട്ടു. ടി സിദ്ദിഖ് എം എല് എ, കോഴിക്കോട് ഡി സി സി പ്രസിഡന്റ് അഡ്വ. കെ പ്രവീണ് കുമാര്, നോളജ് സിറ്റി സി എ ഒ അഡ്വ. തന്വീര് ഉമര്, ഡോ. യു കെ മുഹമ്മദ് ശരീഫ്, ഡോ. ശാഹുല് ഹമീദ്, ഡോ. സാറ തുടങ്ങിയവര് സംബന്ധിച്ചു.
മണ്ഡലത്തിലെ സാമൂഹിക സാംസ്കാരിക രംഗത്തുള്ളവരെ സന്ദര്ശിക്കുന്നതിന്റെ ഭാഗമായി പ്രിയങ്ക ഗാന്ധി ഡോ. എം.എന്. കാരശ്ശേരിയെയും സന്ദര്ശിച്ചു. ഞായറാഴ്ച രാവിലെ 11.55ഓടെ കാരശ്ശേരിയിലെ അമ്പാടി വീട്ടിലെത്തിയ പ്രിയങ്ക ഗാന്ധിയെ എം.എന്. കാരശ്ശേരിയും ഭാര്യയും ചേര്ന്നു ഷാളണിയിച്ച് സ്വീകരിച്ചു. ഡി.സി.സി പ്രസിഡന്റ് അഡ്വ. പ്രവീണ് കുമാറും കൂടെയുണ്ടായിരുന്നു പ്രിയങ്ക ഗാന്ധി വീട്ടില് വന്നതില് സന്തോഷമുണ്ടെന്നും താന് എന്തൊക്കെ കാര്യങ്ങള് ശ്രദ്ധിക്കണമെന്ന് ചോദിച്ചെന്നും കാരശ്ശേരി പറഞ്ഞു. കോണ്ഗ്രസിന്റെ സാംസ്കാരിക രംഗം ശക്തിപ്പെടുത്തണമെന്നും പ്രിയങ്കയെ ബോധ്യപ്പെടുത്തി. തന്റെ സംസാരം ശ്രദ്ധാപൂര്വം കേട്ട പ്രിയങ്ക ഗാന്ധി അഭിപ്രായങ്ങള് കുറിച്ചിട്ടുണ്ടെന്നും പ്രിയങ്കയില് പ്രതീക്ഷയുണ്ടെന്നും കാരശ്ശേരി പറഞ്ഞു
.jpg)
Related News
