മദീന: മദീന ഗവര്ണര് സല്മാന് ബിന് സുല്ത്താന് ബിന് അബ്ദുല് അസീസ് രാജകുമാരന്റെ രക്ഷാകര്തൃത്വത്തില് മദീന എജ്യുക്കേഷന് ഫോറത്തിന് തുടക്കമായി. തൈബ യൂണിവേഴ്സിറ്റി സംഘടിപ്പിക്കുന്ന ഈ ഫോറം, സൗദി വിഷന് 2030-ന്റെ ലക്ഷ്യങ്ങള്ക്കനുസരിച്ച് വിദ്യാഭ്യാസത്തിന്റെ ഗുണനിലവാരം വര്ദ്ധിപ്പിക്കാനും മത്സര മികവിന്റെ നിലവാരം ഉയര്ത്താനും ലക്ഷ്യമിടുന്നു. ഇതിനായി തിരഞ്ഞെടുക്കപ്പെട്ട വിദഗ്ധരും സ്പെഷ്യലിസ്റ്റുകളും ഫോറത്തില് പങ്കെടുക്കുന്നു.
'വിദ്യാഭ്യാസത്തിന്റെ ഗുണനിലവാരം' എന്ന വിഷയത്തില് നടന്ന ഒരു വര്ക്ക്ഷോപ്പോടെയാണ് ഇന്നലെ ഫോറം ആരംഭിച്ചത്. വിദ്യാഭ്യാസപരമായ നേട്ടങ്ങള് മെച്ചപ്പെടുത്തുന്നതിനുള്ള മാര്ഗ്ഗങ്ങള്, ക്രിയാത്മകതയെയും നവീകരണത്തെയും പിന്തുണയ്ക്കുന്ന പ്രോത്സാഹജനകമായ പഠനാന്തരീക്ഷം കെട്ടിപ്പടുക്കുന്നതിന്റെ പ്രാധാന്യം എന്നിവ വര്ക്ക്ഷോപ്പില് ചര്ച്ച ചെയ്തു.
'രാജ്യത്തിന്റെ ആപേക്ഷികവും മത്സരപരവുമായ മുന്ഗണനയും ആഗോള മാനവും അനുസരിച്ചുള്ള വിദ്യാഭ്യാസത്തിന്റെ ഗുണനിലവാരം' എന്ന വിഷയത്തില് പ്രത്യേക സംവാദവും ഫോറത്തില് നടന്നു. മികവിനെ പിന്തുണയ്ക്കുന്നതില് സര്വ്വകലാശാലകളുടെയും അസസ്മെന്റ്, അക്രഡിറ്റേഷന് സെന്ററുകളുടെയും പങ്ക്, വിദ്യാഭ്യാസ വികസനത്തില് വിജയിച്ച ആഗോള മാതൃകകള് എന്നിവയെക്കുറിച്ച് ഈ സെഷനില് അവലോകനം ചെയ്തു.
ഇന്ന്, ഫോറത്തിന്റെ തുടര് സെഷനുകള് നടക്കും. 'വിദ്യാഭ്യാസപരമായ സുസ്ഥിരത, ജീവിത നിലവാരം, അന്താരാഷ്ട്ര പങ്കാളിത്തം' എന്ന വിഷയത്തിലുള്ള സംവാദവും, 'വിദ്യാഭ്യാസത്തിലെ സുസ്ഥിരത' എന്ന വിഷയത്തിലുള്ള പ്രത്യേക വര്ക്ക്ഷോപ്പും നടക്കും.
.jpg)
Related News
