തിരൂര്: കോഴിക്കോട് വിമാന താവളത്തിലെ റണ്വേവികസനം വേഗത്തില് പൂര്ത്തിയാക്കുമെന്നും, പുതിയ കാര് പാര്ക്കിങ് സംവിധാനവും പുറത്ത് ശുചി മുറി സംവിധാനങ്ങളും നടപ്പാക്കുമെന്നും എയര്പോര്ട്ട് ഡയറക്ടര് മുനീര് മാടമ്പാട്ടില്. പ്രവാസികള്ക്കും വിമാന യാത്രക്കാര്ക്കും ഉപകാരപ്രദമായ പദ്ധതികള് നടപ്പിലാക്കും. പ്രവാസികളെ ഉദ്യോഗസ്ഥര് ബുദ്ധിമുട്ടിക്കുന്നു എന്ന പരാതികള് പൂര്ണമായും പരിഹരിക്കും. പ്രവാസികളുടെ ലഗേജില് നിന്ന് വിലപ്പിടിപ്പുള്ള വസ്തുക്കള് മോഷ്ടിക്കുന്നു എന്ന പരാതിക്ക് പൂര്ണമായും പരിഹാരമായിട്ടുണ്ടെന്നും ഡയരക്ടര് പറഞ്ഞു.
കോഴിക്കോട് എയര്പോര്ട്ട് ഡയറക്ടറായി ചുമതലയേറ്റ മുനീര് മാടമ്പാട്ടിന് തിരൂര് പൗരാവലി നല്കിയ സ്നേഹാദരം തുഞ്ചന് പറമ്പില് എം.പി.അബ്ദു സമദ് സമദാനി ഉദ്ഘാടനം ചെയ്തു. കരിപ്പൂര് വിമാന താവളത്തില് വലിയ വിമാനങ്ങള് എത്തുന്നതിനുള്ള നടപടികള് വേഗത്തില് പൂര്ത്തിയാക്കുമെന്നും വികസനത്തിനായുള്ള എല്ലാ പദ്ധതികളും പൂര്ത്തിയായി വരുന്നതായും എം.പി പറഞ്ഞു.
കുറുക്കോളി മൊയ്തിന്എം.എല് എ അധ്യക്ഷനായി. തിരൂര് ബ്ലോക്ക് പഞ്ചായത്ത് പ്രസിഡണ്ട് അഡ്വ. യു സൈനുദ്ധിന്, അഡ്വ. ഗഫൂര് പി.ലില്ലീസ്, പാറപ്പുറത്ത് ബാവ ഹാജി, യാസര് പൊട്ടച്ചോല, എന്. അനില്കുമാര്, അഡ്വ. ദിനേശ്പുക്കയില്, കെ.ആര് ബാലന്, പി.എ ബാവ, പി.പി.അബ്ദുറഹിമാന്, പി.കെ.രതീഷ്,
മുജീബ് താനാളൂര്, ഫിറോസ് ബാബു, അബ്ബാസ് ചേലാട്ട്, കുടാത്ത് മുഹമ്മദ് കുട്ടി ഹാജി, കെ.ഷാഫി ഹാജി, ഇസ്മയില് പത്തംമ്പാട് എന്നിവര് സംസാരിച്ചു.
.jpg)
