.jpg)
റിയാദ്: ഉംറ കഴിഞ്ഞ് നാട്ടിലേക്ക് മടങ്ങുന്നതിനിടെ ഹൃദയാഘാതത്തെ തുടര്ന്ന് റിയാദില് ചികിത്സയിലായിരുന്ന മലയാളി മദ്രസ അധ്യാപകന് മരിച്ചു. പരുമ്പാവൂര് പള്ളിക്കവല മൗലൂദ് പുര സ്വദേശി ബീരാസ് ഈരേത്ത് അലിയാര് (55) ആണ് മരിച്ചത്. ഉംറ പൂര്ത്തിയാക്കിയ ശേഷം ജിദ്ദയില്നിന്ന് നാട്ടിലേക്കുള്ള മടക്കയാത്രക്കിടെ വിമാനത്തില്വെച്ച് അദ്ദേഹത്തിന് കടുത്ത നെഞ്ചുവേദന അനുഭവപ്പെടുകയായിരുന്നു.
യാത്രക്കാരന്റെ ആരോഗ്യനില വഷളായതിനെ തുടര്ന്ന് വിമാനം റിയാദില് അടിയന്തിരമായി ഇറക്കി. ഉടന്തന്നെ അദ്ദേഹത്തെ റിയാദിലെ കിങ് ഫഹദ് ആശുപത്രിയില് പ്രവേശിപ്പിച്ചു. തീവ്രപരിചരണ വിഭാഗത്തില് ചികിത്സയിലിരിക്കെയാണ് മരണം. വിസ കാലാവധി കഴിഞ്ഞതിനാല് സഹയാത്രികര് നാട്ടിലേക്ക് മടങ്ങിയിരുന്നു.
പെരുമ്പാവൂര് ചെമ്പാരത്ത് കുന്ന് മഹല്ലിലെ മദ്രസ അധ്യാപകനായിരുന്നു ബീരാസ്. അലിയാര് വീരാവു, സുലൈഖ എന്നിവര് മാതാപിതാക്കളാണ്. ഭാര്യ: ആരിഫ. മക്കള്: സൂഫിയ, മുഹമ്മദ് യാസീന്, മുഹമ്മദ് ഹദ്ദാദ്, ഇസ്മത്ത് ചിസ്തി, ഗരീബ് നവാസ്.
റിയാദിലെ കിങ് ഫഹദ് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം ഔദ്യോഗിക നടപടികള് പൂര്ത്തിയാക്കി റിയാദില് ഖബറടക്കുമെന്ന് ബന്ധപ്പെട്ടവര് അറിയിച്ചു. കെ.എം.സി.സി എറണാകുളം ജില്ലാ പ്രവര്ത്തകരുടെയും പെരുമ്പാവൂര് പ്രവാസി അസോസിയേഷന്റെയും നേതൃത്വത്തില് ഇതിനായുള്ള തുടര് നടപടികള് പുരോഗമിക്കുകയാണ്.
.jpg)
Related News
