മക്ക ഒ.ഐ.സി.സിയുടെ ജാതിമത ഭേദമന്യേ മുഴുവന് ആളുകളെയും പങ്കെടുപ്പിച്ചുകൊണ്ട് ഹറം പരിധിക്ക് വെളിയില് നടത്തുന്ന ഈ വര്ഷത്തെ ഓണാഘോഷ പരിപാടിയുടെ പോസ്റ്റര് ബാബ ചായ്, ഷവര്മ വാര്പ്സ് പാര്ട്ണര് റഷീദും, മലബാര് ഗോള്ഡ് ആന്ഡ് ഡയമണ്ട്സ് റീജണല് മാനേജര് ഷംസീറും ചേര്ന്ന് മക്കാ ഓ.ഐ.സി.സിയുടെ പ്രസിഡന്റ് നൗഷാദ് പെരുന്തല്ലൂരിന്റെ കയ്യില് നിന്നും ഏറ്റുവാങ്ങി പ്രകാശനം നിര്വഹിച്ചു.
മക്ക റുസൈഫ ലുലു മാളില് നടന്ന ചടങ്ങില് മക്ക ഒ.ഐ.സി.സിയുടെ ഭാരവാഹികള്, എക്സിക്യൂട്ടീവ് കമ്മിറ്റി അംഗങ്ങള്, പ്രവര്ത്തകര് തുടങ്ങിയവര് പങ്കെടുത്തു. ഓണാഘോഷ പരിപാടികളുടെ ഭാഗമായി മക്കയിലെയും ജിദ്ദയിലെയും കലാകാരന്മാരും വിദ്യാര്ത്ഥികളും പങ്കെടുക്കുന്ന കലാ പരിപാടികള്, ഓണ കളികള്, വടം വലി തുടങ്ങിയവ ഉണ്ടായിരിക്കും. ഒക്ടോബര് 24 തീയതി നവാരിയ നജ ഓഡിറ്റോറിയത്തില് വെച്ചാണ് ഓണാഘോഷ പരിപാടികള് സംഘടിപ്പിച്ചിരിക്കുന്നത്.
.jpg)
Related News
