ന്യൂഡല്ഹി: ഇന്ത്യയും അഫ്ഗാനിസ്ഥാനും തമ്മിലുള്ള നയതന്ത്രബന്ധം ശക്തിപ്പെടുത്തുന്നതിന്റെ ഭാഗമായി കാബൂളിലെ വിദേശകാര്യ മന്ത്രാലയത്തിന്റെ ഓഫീസ് ഉടന് എംബസിയായി ഉയര്ത്താന് ഇന്ത്യ തീരുമാനിച്ചു. താലിബാന് വിദേശകാര്യ മന്ത്രി ആമിര് ഖാന് മുത്താക്കിയും ഇന്ത്യന് വിദേശകാര്യ മന്ത്രി എസ്. ജയ്ശങ്കറും തമ്മില് നടന്ന ചര്ച്ചയിലാണ് ഈ സുപ്രധാന തീരുമാനം.
അഫ്ഗാനിസ്ഥാനുള്ള സഹായങ്ങള് ഇന്ത്യ വര്ദ്ധിപ്പിക്കും. 20 ആംബുലന്സുകള്, ഭക്ഷ്യ സഹായം, എം.ആര്.ഐ., സി.ടി. സ്കാന് മെഷീനുകള് എന്നിവ നല്കും. അഫ്ഗാന് പൗരന്മാര്ക്കുള്ള വിസ നടപടികള് ലഘൂകരിക്കുകയും വിമാന സര്വീസുകള് വര്ദ്ധിപ്പിക്കുകയും ചെയ്യും. അഫ്ഗാനിസ്ഥാന്റെ പരമാധികാരം, പ്രദേശിക സമഗ്രത, സ്വാതന്ത്ര്യം എന്നിവയ്ക്ക് ഇന്ത്യ പൂര്ണ്ണ പിന്തുണ നല്കുമെന്നും വ്യക്തമാക്കി.
ഇന്ത്യയുമായി നല്ല ബന്ധമാണ് അഫ്ഗാന് ആഗ്രഹിക്കുന്നതെന്ന് ആമിര് ഖാന് മുത്താക്കി പറഞ്ഞു. ഇന്ത്യാ വിരുദ്ധ നീക്കങ്ങളെ ശക്തമായി ചെറുക്കുമെന്നും, അഫ്ഗാന് മണ്ണ് മറ്റൊരാള്ക്കെതിരെയും ഭീഷണിപ്പെടുത്താന് ഉപയോഗിക്കാന് അനുവദിക്കില്ലെന്നും അദ്ദേഹം ഉറപ്പു നല്കി.
ഇന്ത്യന് സന്ദര്ശനം തുടരുന്നതിനിടെ, പാകിസ്ഥാന് കാബൂളില് വ്യോമാക്രമണം നടത്തി. സര്ക്കാര് സ്ഥാപനങ്ങളും ജനവാസ കേന്ദ്രങ്ങളും ലക്ഷ്യമിട്ടായിരുന്നു ആക്രമണം. ഇതിനു പിന്നാലെ പാക് നഗരങ്ങളിലെ ഇന്റര്നെറ്റ് സേവനം താല്ക്കാലികമായി നിര്ത്തിവെച്ചു.
.jpg)
Related News
