അബുദാബി- യു.എ.ഇയില് വരും ദിവസങ്ങളില് ഉണ്ടാകാന് സാധ്യതയുള്ള മോശം കാലാവസ്ഥാ സാഹചര്യങ്ങള് അധികൃതര് അതീവ ജാഗ്രതയോടെ നിരീക്ഷിച്ചു വരികയാണെന്ന് അധികൃതര് അറിയിച്ചു.
നാഷണല് എമര്ജന്സി, ക്രൈസിസ് ആന്ഡ് ഡിസാസ്റ്റര് മാനേജ്മെന്റ് അതോറിറ്റിയുടെ നേതൃത്വത്തിലുള്ള ജോയിന്റ് അസസ്മെന്റ് ടീം മുന്കരുതല് നടപടികള് ചര്ച്ച ചെയ്യാന് യോഗങ്ങള് ചേര്ന്നു. കനത്ത മഴയ്ക്ക് സാധ്യതയുള്ള പ്രദേശങ്ങളില് സുരക്ഷാ പ്രോട്ടോക്കോളുകളും ഔദ്യോഗിക നിര്ദ്ദേശങ്ങളും കര്ശനമായി പാലിക്കേണ്ടതിന്റെ പ്രാധാന്യം അധികൃതര് ഊന്നിപ്പറഞ്ഞു.
ഔദ്യോഗിക ഉറവിടങ്ങളില് നിന്നുള്ള വിവരങ്ങളെ മാത്രം ആശ്രയിക്കണമെന്നും കിംവദന്തികള് പ്രചരിപ്പിക്കരുതെന്നും പൊതുജനങ്ങളോട് അഭ്യര്ത്ഥിച്ചിട്ടുണ്ട്. നാഷണല് സെന്റര് ഓഫ് മെറ്റീരിയോളജി പ്രകാരം, രാജ്യത്ത് ഉപരിതലത്തിലെ ന്യൂനമര്ദ്ദം കാരണം കൂടുതല് മഴയ്ക്ക് സാധ്യതയുണ്ട്. മോശം കാലാവസ്ഥയുടെ തീവ്രത ബുധനാഴ്ച രാത്രി മുതല് വ്യാഴാഴ്ച വരെയായിരിക്കും എന്നും പ്രവചിച്ചിരിക്കുന്നു.
.jpg)
Related News
