ജിദ്ദ: ഹിജാബ് ധരിച്ച് സ്‌കൂളില്‍ വന്ന വിദ്യാര്‍ത്ഥിനിയെ യൂണിഫോമിന്റെ പേരില്‍ സ്‌കൂളില്‍ നിന്ന് പുറത്താക്കിയതും, വിദ്യാഭ്യാസം നിഷേധിക്കുന്നതും, ഭരണ ഘടന ഒരു പൗരന് നല്‍കുന്ന ഇഷ്ടമുള്ള വിശ്വാസം സ്വീകരിക്കുവാനും, ഇഷ്ടമുള്ള വസ്ത്രം ധരിക്കാനുമുള്ള അവകാശങ്ങള്‍ക്ക് മേലുള്ള കടന്നുകയറ്റമാണെന്നും, യൂണിഫോമിനനുസരിച്ച് ശിരോവസ്ത്രം ധരിക്കാന്‍ എല്ലാ സ്‌കൂളുകളും അനുവാദം നല്‍കുമ്പോള്‍ ചിലരുടെ ഭാഗത്ത് നിന്ന് ഇത്തരം ദുഖഃകരമായ നടപടികള്‍ ഉണ്ടാകുന്നത് മതേതര കേരളത്തിന് അപമാനകരമാണെന്നും അല്‍-അന്‍വാര്‍ ജസ്റ്റീസ് ആന്റ് വെല്‍ഫെയര്‍ അസോസിയേഷന്‍ (അജ്വ) ജിദ്ദ കമ്മിറ്റി അഭിപ്രായപ്പെട്ടു.

തങ്ങളുടെ മത വിശ്വാസപ്രകാരമുള്ള വസ്ത്രം ധരിച്ചതില്‍ അസഹ്ഷിണുത പുലര്‍ത്തുന്നതും, തല മറക്കുന്നവരെ കാണുമ്പോള്‍ മറ്റുള്ള കുട്ടികളില്‍ ഭയം ജനിപ്പിക്കുമെന്ന സമീപനം അദ്ധ്യാപകരില്‍ നിന്ന് ഒരിക്കലും സംഭവിക്കാന്‍ പാടില്ലാത്തതുമാണെന്നും ഇത് മതേതര കേരളത്തിന് അപമാനകരമാണെന്നും അജ്വ കമ്മിറ്റി അഭിപ്രായപ്പെട്ടു.