ജിദ്ദ: ജിദ്ദയിലെ മലയാളികളുടെ സാംസ്കാരിക കൂട്ടായ്മയായ കേരള കലാസാഹിതി ഇരുപത്തൊമ്പൊതാമത് വാര്ഷികം ആഘോഷിക്കുന്നു. നവംബര് പതിനാലിന് നടക്കുന്ന പരിപാടിയുടെ മുഖ്യ പ്രായോജകര് ഓസ്കാര് ആണ്. വിവിധ ഇന്ത്യന് സംസ്ഥാനങ്ങളില് നിന്നുള്ള നൃത്തങ്ങളും ഇന്ത്യയുടെ മിസൈല് മാന് എന്നറിയപ്പെടുന്ന മുന് രാഷ്ട്രപതി എ. പി. ജെ അബ്ദുല് കലാമിന്റെ ജീവിതം ചിത്രീകരിക്കുന്ന പ്രസന്റേഷനുമായിരിക്കു ഇത്തവണത്തെ പ്രത്യേകതകളാണ്. ഭരതനാട്യം, കുച്ചുപ്പിടി, കഥക്, ബോളിവുഡ് ഡാന്സ് തുടങ്ങിയ നൃത്തരൂപങ്ങള് വേദിയില് അവതരിപ്പിക്കുന്ന 'കളേഴ്സ് ഓഫ് ഇന്ത്യ' എന്ന പ്രോഗ്രാമിന്റെ സീസണ് ഫോര് ആണ് വെള്ളിയാഴ്ച അവതരിപ്പിക്കുന്നതെന്ന് ഭാരവാഹികള് വാര്ത്താ സമ്മേളനത്തില് അറിയിച്ചു.
കലാസാഹിതി കുടുംബത്തിലെ കുട്ടികള് ആയിരിക്കും പ്രധാനമായും നൃത്തങ്ങള് അവതരിപ്പിക്കുന്നത്. നൃത്തങ്ങള് ചിട്ടപ്പെടുത്തിയതും കലാസാഹിതി കുടുംബത്തിലെ കൊറിയോഗ്രാഫര്മാരാണ്. നാട്ടില് നിന്നെത്തുന്ന പ്രസിദ്ധ യുവ ഗായകരായ ലിബിന് സ്കറിയ, രേഷ്മ രാഘവേന്ദ്ര എന്നിവരുടെ സംഗീത മേളയാണ് കലാസാഹിതി കളേഴ്സ് ഓഫ് ഇന്ത്യയുടെ മുഖ്യ ആകര്ഷണം. ഷാറുഖ് ഖാന് ഉള്പ്പെടെയുള്ള ബോളിവുഡ് താരങ്ങളോടൊപ്പം റിയാലിറ്റി ഷോകളില് പങ്കെടുത്തിട്ടുള്ള, ന്യൂജന് ഗായിക രേഷ്മയും യുവതീ യുവാക്കളുടെ ഹരമായ ലിബിനും ജിദ്ദയിലെ സഹൃദയര്ക്ക് പുതിയ സംഗീതാനുഭവ്ം പകരുമെന്നാണ് കരുതുന്നതെന്ന് അവര് പറഞ്ഞു.
വാര്ത്താ സമ്മേളനത്തില് കലാസാഹിതി പ്രസിഡന്റ് ഷാനവാസ് കൊല്ലം, സെക്രട്ടറി മാത്യു വര്ഗീസ്, പ്രോഗ്രാം കണ്വീനര് സജി കുര്യാക്കോസ്, ഫിനാന്സ് കണ്വീനര് അഷ്റഫ് കുന്നത്ത്, പേട്രണ് മുസാഫിര്, മോഹന് ബാലന്, ട്രഷറര് ഡാര്വിന് ആന്റണി എന്നിവര് പങ്കെടുത്തു.
.jpg)
Related News
