ദുബായ്: അടുത്ത വര്ഷം സര്വീസ് ആരംഭിക്കുന്നതിന് മുന്നോടിയായി, പൈലറ്റുള്ള ആദ്യ എയര് ടാക്സി ദുബായ് വിമാനത്താവളത്തില് സുരക്ഷിതമായി പറന്നിറങ്ങി. മര്ഗാമില് നിന്ന് അല് മക്തൂം അന്താരാഷ്ട്ര വിമാനത്താവളത്തിലേക്കായിരുന്നു പരീക്ഷണ പറക്കല്.
ദുബായ് കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാന് ബിന് മുഹമ്മദ് ബിന് റാശിദ് അല് മക്തൂം ആണ് തന്റെ 'എക്സ്' അക്കൗണ്ടിലൂടെ ലാന്ഡിംഗിന്റെ ചിത്രം പങ്കുവെക്കുകയും പ്രഖ്യാപനം നടത്തുകയും ചെയ്തത്. ഏറ്റവും പുതിയ ആഗോള സാങ്കേതികവിദ്യകള് ഉപയോഗിച്ചാണ് എയര് ടാക്സിയുടെ രൂപകല്പ്പന.
പൂര്ണമായും ഇലക്ട്രികിലുള്ള ഇത് പരിസ്ഥിതി സൗഹൃദം, മികച്ച സുരക്ഷ, വേഗത, സുഖകരം എന്നിവ ഉറപ്പാക്കുന്നു. ആറ് പ്രൊപ്പല്ലറുകളും നാല് സ്വതന്ത്ര ബാറ്ററി പാക്കുകളും വിമാനത്തിനുണ്ട്. മണിക്കൂറില് 160 കിലോമീറ്റര് മുതല് 320 കിലോമീറ്റര് വരെ വേഗതയില് പറക്കാന് ഇതിനു കഴിയും. പൈലറ്റിനെ കൂടാതെ, നാല് യാത്രക്കാര്ക്ക് സഞ്ചരിക്കാവുന്ന രീതിയിലാണ് ഉള്വശം രൂപകല്പ്പന ചെയ്തിരിക്കുന്നത്.
പൊതു ഗതാഗത സംവിധാനങ്ങള് മെച്ചപ്പെടുത്തുന്നതിന്റെ ഭാഗമായി വിവിധ പദ്ധതികള് വിലയിരുത്തിയ ശേഷമാണ് ശൈഖ് ഹംദാന് എയര് ടാക്സിയുടെ ലാന്ഡിംഗ് പ്രഖ്യാപിച്ചത്. അതോടൊപ്പം കാല്നടക്കാര്ക്കും സൈക്ലിസ്റ്റുകള്ക്കും സൗഹൃദനഗരമാക്കി ദായിയെ മാറ്റുക, ലോകത്തിലെ ഏറ്റവും മികച്ച താമസത്തിനും ജോലി ചെയ്യുന്നതിനുമുള്ള നഗരമാക്കി മാറ്റുക എന്ന ലക്ഷ്യതും ഇതിന്റെ ലക്ഷ്യമാണ്. ഏരിയല് ടാക്സി പദ്ധതിയുടെ പുരോഗതി സംബന്ധിച്ച് ദുബായ് റോഡ് ഗതാഗത അതോറിറ്റി (ആര്.ടി.എ) ചെയര്മാന് മതാര് അല് തായര് ശൈഖ് ഹംദാന് വിശദീകരണം നല്കി.
ജോബി ഏവിയേഷന് ആണ് പരീക്ഷണ പറക്കല് സംഘടിപ്പിച്ചത്. ജനറല് സിവില് ഏവിയേഷന് അതോറിറ്റി, ദുബായ് സിവില് ഏവിയേഷന് അതോറിറ്റി എന്നിവയുമായി സഹകരിച്ച് 2026-ല് എമിറേറ്റില് ആദ്യ എയര് ടാക്സി സര്വിസ് പ്രഖ്യാപിക്കാനാണ് തീരുമാനം.
.jpg)
Related News
