തിരുവനന്തപുരം: കേരളത്തില് നിന്നുളള ആരോഗ്യ പ്രവര്ത്തകരെ ഡെന്മാര്ക്കിലേക്ക് റിക്രൂട്ട് ചെയ്യുന്നതിനായി നോര്ക്ക റൂട്സും ഡെന്മാര്ക്ക് മിനിസ്ട്രി ഓഫ് സീനിയര് സിറ്റിസണ്സും തമ്മിലുളള കരാര് മുഖ്യമന്ത്രി പിണറായി വിജയന്റെ സാന്നിധ്യത്തില് കൈമാറി. മുഖ്യമന്ത്രിയുടെ ഓഫീസ് ചേംബറില് നടന്ന ചടങ്ങില് ഡെന്മാര്ക്കിലെ മിനിസ്ട്രി ഓഫ് സീനിയര് സിറ്റിസന്സ് ഡെപ്യൂട്ടി പെര്മനന്റ് സെക്രട്ടറി കിര്സ്റ്റന് ഹാന്സനും നോര്ക്ക റൂട്ട്സ് ചീഫ് എക്സിക്യൂട്ടീവ് ഓഫീസര് അജിത് കോളശ്ശേരിയും തമ്മിലാണ് കരാര് കൈമാറിയത്. ചടങ്ങില് ഡെന്മാര്ക്ക് മിനിസ്റ്റര് ഓഫ് സീനിയര് സിറ്റിസണ്സ് മെറ്റെ കിയര്ക്ക്ഗാര്ഡ്, ഇന്ത്യയിലെ ഡെന്മാര്ക്ക് അംബാസഡര് റാസ്മസ് അബില്ഡ്ഗാര്ഡ് ക്രിസ്റ്റന്സന്, ചീഫ് സെക്രട്ടറി ഡോ.എ ജയതിലക്, നോര്ക്ക റൂട്ട്സ് റസിഡന്റ് വൈസ് ചെയര്മാന് പി. ശ്രീരാമകൃഷ്ണന്, നോര്ക്ക വകുപ്പ് സെക്രട്ടറി ടി.വി അനുപമ എന്നിവര് സംബന്ധിച്ചു. ഡെന്മാര്ക്കിലെ പൊതു ആരോഗ്യ മേഖലയിലേക്ക് ബി എസ് സി നഴ്സ്, സോഷ്യല് ആന്ഡ് ഹെല്ത്ത് കെയര് അസിസ്റ്റന്റ്സ്, സോഷ്യല് ആന്ഡ് ഹെല്ത്ത് കെയര് ഹെല്പ്പേഴ്സ് എന്നീ പ്രൊഫെഷനുകളിലേയ്ക്കാണ് റിക്രൂട്മെന്റ്. തിരഞ്ഞെടുക്കപ്പെടുന്ന എല്ലാ ഉദ്യോഗാര്ത്ഥികള്ക്കും ബി 2 ലെവല് വരെയുളള ഡാനിഷ് ഭാഷാ പരിശീലനവും ലഭ്യമാക്കും. റിക്രൂട്ട്മെന്റ് ഉദ്യോഗാര്ത്ഥികള്ക്ക് പൂര്ണ്ണമായും സൗജന്യമായിരിക്കും.
കരാര് നടപടികള്ക്കായി ഡെന്മാര്ക്കില് നിന്നുളള എട്ടംഗ മന്ത്രിതല പ്രതിനിധി സംഘമാണ് തിരുവനന്തപുരത്തെത്തിയത്. മിനിസ്റ്റീരിയല് സെക്രട്ടറി ഫീ ലിഡാല് ജോഹാന്സന്, സീനിയര് അഡൈ്വസര് എസ്പന് ക്രോഗ്, ഇന്ത്യയിലെ ഡെന്മാര്ക്ക് എംബസിയില് നിന്നും ഹെഡ് ഓഫ് സെക്ടര് പോളിസി എമില് സ്റ്റോവ്രിംഗ് ലോറിറ്റ്സന്, ഹെല്ത്ത് കൗണ്സിലര് ലൂയിസ് സെവല് ലുണ്ട്സ്ട്രോം, പ്രോഗ്രാം ഓഫീസര് നികേത് ഗെഹ്ലാവത് എന്നിവരാണ് പ്രതിനിധിസംഘത്തിലുളളത്. കഴിഞ്ഞ ദിവസം സാമൂഹ്യനീതി വകുപ്പ് മന്ത്രി ഡോ. ആര്.ബിന്ദു, തദ്ദേശസ്വയംഭരണ വകുപ്പ് മന്ത്രി എം.ബി രാജേഷ്, ആരോഗ്യ വകുപ്പ് മന്ത്രി വീണാ ജോര്ജ്ജ് എന്നിവരുമായും സംഘം കൂടിക്കാഴ്ച നടത്തിയിരുന്നു. കരാര് നടപടികള്ക്കു ശേഷം ഉച്ചകഴിഞ്ഞ് തൈക്കാട് ലെമണ് ട്രീ ഹോട്ടലില് (ടാന്ജറിന് 3 ആര് ഫ്ലോര്) കേരളഡെന്മാര്ക്ക് ഹെല്ത്ത്കെയര് റിക്രൂട്ട്മെന്റ് പാര്ട്ണര്ഷിപ്പ് മീറ്റും ചേര്ന്നു. കരാറിന്റെ ഭാഗമായുളള റിക്രൂട്ട്മെന്റ് നടപടികള് വേഗത്തിലാക്കുന്നത് സംബന്ധിച്ച കാര്യങ്ങള് മീറ്റില് ചര്ച്ച ചെയ്തു.
.jpg)
Related News
