വാഷിങ്ടണ്: അമേരിക്കയില് ശീതകാല കൊടുങ്കാറ്റും കനത്ത മഞ്ഞുവീഴ്ചയും തുടരുന്നതിനിടെ ബിസിനസ് ജെറ്റ് തകര്ന്ന് ഏഴ് മരണം. ബാംഗോര് അന്താരാഷ്ട്ര വിമാനത്താവളത്തില് നിന്ന് എട്ട് യാത്രക്കാരുമായി പറന്നുയരാന് ശ്രമിച്ച 'ബോംബാര്ഡിയര് ചലഞ്ചര് 650' വിമാനമാണ് അപകടത്തില്പ്പെട്ടത്.
പ്രാദേശിക സമയം വൈകിട്ട് 7:45-ഓടെയാണ് ദുരന്തമുണ്ടായത്. റണ്വേയില് നിന്ന് വിമാനം ടേക്ക് ഓഫ് ചെയ്യുന്നതിനിടെ നിയന്ത്രണം നഷ്ടപ്പെട്ട് തകര്ന്നു വീഴുകയായിരുന്നു. തകര്ന്നുവീണ വിമാനം റണ്വേയില് തലകീഴായി മറിഞ്ഞ നിലയിലായിരുന്നു. വിമാനത്തിന്റെ ചില ഭാഗങ്ങള്ക്ക് തീപിടിച്ചതായും ദൃക്സാക്ഷികള് റിപ്പോര്ട്ട് ചെയ്തു. എട്ട് പേര് ഉണ്ടായിരുന്ന വിമാനത്തില് നിന്ന് ക്രൂ അംഗമായ ഒരാള് മാത്രമാണ് പരിക്കുകളോടെ അത്ഭുതകരമായി രക്ഷപ്പെട്ടത്. ഇദ്ദേഹത്തെ വിദഗ്ധ ചികിത്സയ്ക്കായി ആശുപത്രിയിലേക്ക് മാറ്റി.
അപകടത്തെത്തുടര്ന്ന് ബാംഗോര് അന്താരാഷ്ട്ര വിമാനത്താവളം അനിശ്ചിതകാലത്തേക്ക് അടച്ചു. റണ്വേയിലെ മഞ്ഞും വിമാനത്തിന്റെ അവശിഷ്ടങ്ങളും നീക്കം ചെയ്യുന്ന പ്രവര്ത്തനങ്ങള് പുരോഗമിക്കുകയാണ്. നാഷണല് ട്രാന്സ്പോര്ട്ടേഷന് സേഫ്റ്റി ബോര്ഡും ഫെഡറല് ഏവിയേഷന് അഡ്മിനിസ്ട്രേഷനും സംയുക്തമായി അന്വേഷണം ആരംഭിച്ചു.
കനത്ത മഞ്ഞുവീഴ്ചയെത്തുടര്ന്നുള്ള കാഴ്ചപരിമിതി അപകടത്തിന് കാരണമായെന്നാണ് പ്രാഥമിക നിഗമനം. വിമാനത്തിന്റെ ബ്ലാക്ക് ബോക്സ് കണ്ടെത്തുന്നതിനുള്ള ശ്രമങ്ങള് ആരംഭിച്ചു. സാങ്കേതിക തകരാറുകള് പരിശോധിക്കാന് വിദഗ്ധ സംഘം സ്ഥലത്തെത്തിയിട്ടുണ്ട്. മരിച്ചവരുടെ പേരുവിവരങ്ങള് അധികൃതര് ഔദ്യോഗികമായി പുറത്തുവിട്ടിട്ടില്ല. ബന്ധുക്കളെ വിവരം അറിയിക്കാനുള്ള നടപടികള് നടന്നു വരികയാണ്.
അപകടത്തിന് പിന്നാലെ അമേരിക്കയിലുടനീളം വ്യോമഗതാഗതം പ്രതിസന്ധിയിലായിരിക്കുകയാണ്. ശീതകാല കൊടുങ്കാറ്റ് രൂക്ഷമായതോടെ ആയിരക്കണക്കിന് വിമാന സര്വീസുകള് റദ്ദാക്കി. കാലാവസ്ഥ മെച്ചപ്പെടുന്നത് വരെ സര്വീസുകള് പുനരാരംഭിക്കാന് കഴിയില്ലെന്ന് ഏവിയേഷന് അധികൃതര് വ്യക്തമാക്കി.
Related News
