കണ്ണൂര്: മുഴപ്പിലങ്ങാട് ആസ്ഥാനമായി പ്രവര്ത്തിക്കുന്ന നന്മ ചാരിറ്റബിള് ട്രസ്റ്റിന്റെ നേതൃത്വത്തില് അനാഥര്ക്കു അഭയം നല്കാന് ലക്ഷ്യമിട്ട് ഇരിട്ടിയിലെ വിളക്കോട് കാപ്പുംകടവില് നിര്മിച്ച തറവാട് സന്തോഷ ഭവനം സ്പീക്കര് എ.എന്.ഷംസീര് ഉദ്ഘാടനം ചെയ്തു. ട്രസ്റ്റ് ചെയര്മാന് സമീര് കോയക്കുട്ടി അധ്യക്ഷത വഹിച്ചു. സണ്ണി ജോസഫ് എം എല്എ മുഖ്യാതിഥി ആയിരിന്നു.
സൗദി അറേബ്യയിലെ ജിദ്ദയിലെ സുമനസ്സുകളായ ഒരു പറ്റം കണ്ണൂര് ജില്ലക്കാര് വിഭാവനം ചെയ്ത ഒരു സംരംഭമാണ് നന്മ ചാരിറ്റബിള് ട്രസ്റ്റിന്റെ കീഴില് കഴിഞ്ഞ 17 വര്ഷമായി പ്രവര്ത്തിക്കുന്ന തറവാട് ഗ്രൂപ് ഓഫ് ഇന്സ്റിറ്റിയൂഷന്.
പേരാവൂര് ബ്ലോക്ക് പഞ്ചായത്ത് പ്രസിഡന്റ് ഇന്ദിര ശ്രീധരന്, മുഴക്കുന്ന് പഞ്ചായത്ത് പ്രസിഡന്റ് ജാഫര് നല്ലൂര്, പേരാവൂര് ബ്ലോക്ക് പഞ്ചായത്ത് അംഗം ദീപ ഗിരീഷ്, സിസ്റ്റര് ബിനിത, വാര്ഡ് മെമ്പര് സി.എച്ച്.ഷിഹാബ്, നൂര്ജഹാന്, റഹൂഫ് ഫൈസി, സി.ഹാരിസ് ഹാജി, എ.ഷിബു, എന്.വി.ഗിരീഷ് എന്നിവരും അതിഥികളായി പരിപാടിയില് പങ്കെടുത്തു.
ഇരിട്ടി വര്ക്കിംഗ് കമ്മിറ്റി പ്രസിഡന്റ് അയൂബ് ഹാജിയും സെക്രട്ടറി അബ്ദുല് സലാം പാണമ്പ്രവും മറ്റു നിര്വാഹക സമിതി അംഗങ്ങളും ഉദ്ഘാടന പരിപാടികള്ക്ക് നേതൃത്വം നല്കി.
നന്മ ചാരിറ്റബിള് ട്രസ്റ്റ് സെക്രട്ടറി നാസര് എം.പി കെട്ടിട നിര്മാണ റിപ്പോര്ട്ട് അവതരിപ്പിച്ചു. ട്രസ്റ് ട്രഷറര് അബ്ദുല് ഖാദര് മോച്ചേരി, മുഴപ്പിലങ്ങാട് തറവാട് പ്രസിഡന്റ് ഫസല് ബാത്തല, തലശ്ശേരി തറവാട് പ്രസിഡന്റ് മുഹമ്മദ് ശരീഫ്, മറ്റ് ട്രസ്റ്റ് മെമ്പര്മാരായ അബ്ദുല് ഖാദര് പണക്കാട്ട്, അബ്ദുല് അസീസ് നാലുപുരക്കല് ബഷീര് സിപി എന്നിവര് ആശംസകള് നേര്ന്നു. ട്രസ്റ്റ് ജോയിന്റ് സെക്രട്ടറിയും പ്രോഗ്രാം കണ്വീനറുമായ മുഹമ്മദ് സാദിക്ക് നന്ദി പറഞ്ഞു.
അനാഥ - അഗതികള്ക്കും കിടപ്പ് രോഗികള്ക്കും വഴിയിലുപേക്ഷിക്കപ്പെട്ട വര്ക്കും അഭയം നല്കാന് ലക്ഷ്യമിട്ടാണു സ്ഥാപനം നിര്ച്ചിട്ടുള്ളത്.
