ജിദ്ദ- റമദാന് മാസത്തിന്റെ തുടക്കത്തോടെ സൗദി അറേബ്യയിലെ വിപണികളില് വന് തിരക്ക് അനുഭവപ്പെടുന്നു. പോയിന്റ് ഓഫ് സെയില് വഴിയുള്ള സാമ്പത്തിക ഇടപാടുകള് ഒരാഴ്ചക്കുള്ളില് 17 ബില്യണ് റിയാല് കവിഞ്ഞതായി സൗദി സെന്ട്രല് ബാങ്ക് അറിയിച്ചു. ഭക്ഷ്യവസ്തുക്കള്, വസ്ത്രങ്ങള് എന്നിവക്കാണ് കൂടുതല് ചെലവഴിക്കല് നടക്കുന്നത്.
റിയാദിലാണ് ഏറ്റവും കൂടുതല് ഇടപാടുകള് നടന്നത്. ഇതിനു പിന്നാലെ ജിദ്ദയും മക്കയും മദീനയും വരുന്നു. റെസ്റ്റോറന്റുകള്, കഫേകള്, ബേക്കറികള് എന്നിവിടങ്ങളിലും വലിയ തോതിലുള്ള ബിസിനസ്സ് നടക്കുന്നുണ്ട്.
ഡിജിറ്റല് പേയ്മെന്റുകളോടുള്ള ജനങ്ങളുടെ താല്പര്യം വര്ദ്ധിച്ചതും വിപണിയിലെ ഉണര്വ്വിന് കാരണമായിട്ടുണ്ട്. പെരുന്നാള് പ്രമാണിച്ച് വരും ദിവസങ്ങളില് സ്വര്ണാഭരണ വിപണിയിലും വലിയ വര്ദ്ധനവ് പ്രതീക്ഷിക്കുന്നു.
.jpg)
Related News
