ഫുക്കറ്റ്/ന്യൂഡല്ഹി: ഹൈദരാബാദില് നിന്ന് പുറപ്പെട്ട എയര് ഇന്ത്യ എക്സ്പ്രസ് വിമാനം തായ്ലന്ഡിലെ ഫുക്കറ്റ് വിമാനത്താവളത്തില് അപകടത്തില്പ്പെട്ടു. ലാന്ഡിങ്ങിനിടെയുണ്ടായ ശക്തമായ ആഘാതത്തില് വിമാനത്തിന്റെ മുന്വശത്തെ ചക്രം വേര്പെടുകയായിരുന്നു. വിമാനത്തിലുണ്ടായിരുന്ന 133 യാത്രക്കാരും അത്ഭുതകരമായി രക്ഷപ്പെട്ടു.
റണ്വേയില് തൊട്ടയുടനെ വിമാനത്തിന്റെ ലാന്ഡിങ് ഗിയറിന് കേടുപാടുണ്ടാവുകയും മുന്ചക്രം ഒടിഞ്ഞുമാറുകയും ചെയ്തു. ചക്രം വേര്പെട്ടതിനെ തുടര്ന്ന് വിമാനത്തിന്റെ മുന്ഭാഗം റണ്വേയില് ഉരസിയാണ് നിന്നത്. അപകടത്തെത്തുടര്ന്ന് ഫുക്കറ്റ് വിമാനത്താവളത്തിലെ റണ്വേ താല്ക്കാലികമായി അടച്ചു. ബോയിങ് 737 മാക്സ് 8 വിമാനമാണ് അപകടത്തില്പ്പെട്ടത്.
യാത്രക്കാരെ സുരക്ഷിതമായി പുറത്തെത്തിച്ചതായും സംഭവത്തില് സാങ്കേതിക അന്വേഷണം ആരംഭിച്ചതായും എയര് ഇന്ത്യ എക്സ്പ്രസ് വക്താവ് അറിയിച്ചു. തകര്ന്ന ചക്രത്തിന്റെ ചിത്രങ്ങള് സമൂഹമാധ്യമങ്ങളില് വ്യാപകമായി പ്രചരിക്കുന്നുണ്ട്.
വിമാനം നിലത്തിറക്കുമ്പോള് സാധാരണ നിശ്ചയിച്ചിട്ടുള്ള വേഗതയേക്കാളും ആഘാതത്തിലും റണ്വേയില് വന്നിടിക്കുന്നതാണ് ഹാര്ഡ് ലാന്ഡിങ്്.
Related News
