കൊച്ചി: ഇടപ്പള്ളി തൃക്കാക്കര പൈപ്പ്ലൈന് ജംഗ്ഷനിലുള്ള മൂര്ത്തി ബില്ഡേഴ്സ് മാരിഗോള്ഡ് അപ്പാര്ട്ട്മെന്റില് താമസക്കാര്ക്കായി ഇഫ്താര് സംഗമം സംഘടിപ്പിച്ചു. വണ് സി-യിലെ അബ്ദു നസീര് ഏകോപനം നിര്വ്വഹിച്ച ചടങ്ങില് അപ്പാര്ട്ട്മെന്റിലെ കുടുംബാംഗങ്ങളെല്ലാം സജീവമായി പങ്കെടുത്തു.
ഇഫ്താര് എന്നത് കേവലം നോമ്പ് തുറക്കുന്ന ചടങ്ങല്ലെന്നും ജാതി-മത ചിന്തകള്ക്കതീതമായി മനുഷ്യര് പരസ്പരം സ്നേഹവും ഐക്യവും പങ്കിടുന്ന സാമൂഹിക വേദിയാണെന്നും അബ്ദു നസീര് പറഞ്ഞു. അപ്പാര്ട്ട്മെന്റിലെ മുഴുവന് താമസക്കാരെയും ഒരുമിച്ച് കാണാന് സാധിച്ചതില് വലിയ സന്തോഷമുണ്ടെന്ന് സ്വാഗത പ്രസംഗത്തില് റസിഡന്റ്സ് അസോസിയേഷന് സെക്രട്ടറി വിന്സെന്റ് അറിയിച്ചു.
ജീവിതത്തിരക്കുകള്ക്കിടയിലും അയല്പക്ക ബന്ധങ്ങള് നിലനിര്ത്താന് ഇത്തരം കൂട്ടായ്മകള് അനിവാര്യമാണെന്ന് പ്രസിഡന്റ് ഹരി റാം തന്റെ ആശംസ പ്രസംഗത്തില് കൂട്ടിച്ചേര്ത്തു. ശിവറാം, ബാല, രാജീവ്, ജസ്റ്റിന് സെബാസ്റ്റ്യന്, രോഹിത് എന്നിവര് ചടങ്ങില് ആശംസകള് നേര്ന്നു.
ജംഷീര്, അജില് ഖാന്, ആഷിഖ്, നബീല് എന്നിവര് പരിപാടികള്ക്ക് നേതൃത്വം നല്കി. ഭക്ഷണത്തിന്റെ മാധുര്യത്തിനപ്പുറം ഹൃദയങ്ങളെ ബന്ധിപ്പിക്കുന്ന ഇത്തരം കൂടിച്ചേരലുകള്ക്ക് ഇനിയും വേദികളുണ്ടാവട്ടെ എന്ന് നബീല് ആശംസിച്ചു.
വനിതകളുടെ സജീവ പങ്കാളിത്തം പരിപാടിക്ക് മാറ്റ് കൂട്ടി. വസന്ത ഗോപാലകൃഷ്ണന്, ആനി ജോസഫ്, ഡയാന, പ്രീത, രശ്മി പ്രദീപ് എന്നിവര് ആശംസകള് നേര്ന്നു.
