കൊച്ചി: ഹിന്ദുജ റിന്യൂവബിള്‍ എനര്‍ജി പ്രൈവറ്റ് ലിമിറ്റഡ് (എച്ച്.ആര്‍.ഇ.പി.എല്‍.), സണ്‍ഷുവര്‍ എനര്‍ജി എന്നിവയുമായി എല്‍.ജി.ഇ. ഇന്ത്യ ദീര്‍ഘകാല സോളാര്‍ പവര്‍ പര്‍ച്ചേസ് എഗ്രിമെന്റുകളില്‍ (പി.പി.എ.) ഒപ്പുവെച്ചു.

ഈ കരാറിലൂടെ എല്‍.ജി. ഇലക്ട്രോണിക്‌സ് ഇന്ത്യയുടെ ഗ്രേറ്റര്‍ നോയിഡ യൂണിറ്റിലേക്ക് സണ്‍ഷുവര്‍ എനര്‍ജി 11 മെഗാവാട്ട് പീക്കും (എം.ഡബ്ല്യു.പി.), പൂനെ യൂണിറ്റിലേക്ക് എച്ച്.ആര്‍.ഇ.പി.എല്‍. 9.80 എം.ഡബ്ല്യു.പി. സോളാര്‍ പവറും നല്‍കും. ഇതിലൂടെ പ്രതിവര്‍ഷം ഏകദേശം 3.21 കോടി യൂണിറ്റ് പുനരുപയോഗ ഊര്‍ജ്ജമാണ് കമ്പനി ഉറപ്പാക്കിയിരിക്കുന്നത്.

ഇത് രണ്ട് പ്ലാന്റുകളുടെയും മൊത്തം പുനരുപയോഗ ഊര്‍ജ്ജ ഉപയോഗം വര്‍ദ്ധിപ്പിക്കുകയും 0.61 മെട്രിക് ടണ്‍ കാര്‍ബണ്‍ പുറന്തള്ളല്‍ കുറയ്ക്കാന്‍ സഹായിക്കുകയും ചെയ്യും. കൂടാതെ സുസ്ഥിര ഉല്പാദനത്തിലേക്കുള്ള യാത്ര ശക്തിപ്പെടുത്തുമെന്നതും ഈ ധാരണയുടെ പ്രധാന നേട്ടമാണ്. 25 വര്‍ഷം കാലാവധിയുള്ള കരാറിലെ പ്രവര്‍ത്തനങ്ങള്‍ 2026-ന്റെ രണ്ടാം പാദത്തില്‍ ഔദ്യോഗികമായി ആരംഭിക്കും. എല്‍.ജി.യുടെ രാജ്യത്തെ പ്രഥമ റിന്യൂവബിള്‍ എനര്‍ജി പ്രോജക്റ്റും ആദ്യ സ്ട്രാറ്റജിക് ഇന്‍വെസ്റ്റ്മെന്റുമാണ് ഇതെന്നും കമ്പനി എം.ഡി.യും ചീഫ് സെയില്‍സ് ആന്‍ഡ് മാര്‍ക്കറ്റിംഗ് ഓഫീസറുമായ ഹോങ് ജ്യൂ ജിയോണ്‍ പറഞ്ഞു.