തിരുവനന്തപുരം: തിരക്കുകള്ക്കിടയിലും വോട്ട് രേഖപ്പെടുത്താനെത്തിയ ചലച്ചിത്ര താരം മോഹന്ലാലിന്റെ നടപടി ശ്രദ്ധേയമാകുന്നു. വ്യാഴാഴ്ച രാവിലെ കൊച്ചിയില് നിന്ന് തിരുവനന്തപുരം മുടവന്മുകള് എല്.പി സ്കൂളിലെ പോളിങ് ബൂത്തിലെത്തിയാണ് അദ്ദേഹം വോട്ട് രേഖപ്പെടുത്തിയത്. അമേരിക്കയിലേക്കുള്ള വിദേശയാത്ര നിശ്ചയിച്ചിരുന്നിട്ടും വോട്ട് ചെയ്യാന് സമയം കണ്ടെത്തിയ താരത്തിന്റെ നിലപാട് പ്രശംസനീയമാണെന്ന് മുന് എം.എല്.എ കെ.എസ്. ശബരീനാഥന് ഫേസ്ബുക്കില് കുറിച്ചു. ഇടതു-വലതു മുന്നണി സ്ഥാനാര്ത്ഥികളുമായി സൗഹൃദം പങ്കിട്ട താരം, കേരളത്തിലെ വോട്ടര്മാര് എല്ലാവരും തങ്ങളുടെ അവകാശം വിനിയോഗിക്കണമെന്ന സന്ദേശവും പങ്കുവെച്ചാണ് മടങ്ങിയത്.
വോട്ട് ചെയ്യാനെത്തിയ താരം സ്ഥാനാര്ത്ഥികളായ കെ.എസ്. ശബരീനാഥനും വി. ശിവന്കുട്ടിക്കുമൊപ്പം കുശലാന്വേഷണം നടത്തുന്ന ചിത്രങ്ങളും വൈറലായി. 'ജനാധിപത്യത്തിന്റെ സൗന്ദര്യം ഇതാണ്' എന്ന ശബരീനാഥന്റെ ക്യാപ്ഷന് ആരാധകര് ഹൃദയത്തിലേറ്റിക്കഴിഞ്ഞു.
Related News
