റിയാദ്: കായംകുളം സ്വദേശി നിസാം (44) ഹൃദയാഘാതത്തെ തുടര്ന്ന് റിയാദില് നിര്യാതനായി. കായംകുളം കീരിക്കാട് തെക്ക് എന്.എച്ച് വില്ലയില് താമസക്കാരനാണ്. ഹൃദയസംബന്ധമായ അസുഖങ്ങള്ക്ക് ചികിത്സയില് കഴിയുകയായിരുന്ന നിസാം, രക്തക്കുഴലിലുണ്ടായ ബ്ലോക്ക് നീക്കുന്നതിനുള്ള പരിശോധനകള്ക്കായി ആശുപത്രിയില് പോകാനിരിക്കെയാണ് അപ്രതീക്ഷിത മരണം സംഭവിച്ചതെന്ന് ബന്ധുക്കള് അറിയിച്ചു. കഴിഞ്ഞ 18 വര്ഷമായി റിയാദ് എയര്പോര്ട്ടില് ജി.ഡി.എല് മിഡില് ഈസ്റ്റ് കമ്പനിയില് ഏവിയേഷന് ഓപ്പറേഷന്സ് ഇന്സ്പെക്ടറായി ജോലി ചെയ്തു വരികയായിരുന്നു.
കെ.സി.എ റിയാദ് നിര്വാഹക സമിതി അംഗമായിരുന്നു നിസാം. നിയമനടപടികള് പൂര്ത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുപോകും. കെ.എം.സി.സി ആലപ്പുഴ ജില്ലാ ജനറല് സെക്രട്ടറി സിയാദ് കായംകുളത്തിന്റെ നേതൃത്വത്തില് ഇതിനായുള്ള നടപടികള് പുരോഗമിക്കുന്നു.
ഭാര്യ: ജസീല. മക്കള്: മിന്ഹ, മിസ്ബ.
Related News
