ആലുവ: ശ്രീമൂലനഗരം തണല് ഗ്രാന്മഹോം സെന്ട്രല് കിച്ചന് ബ്ലോക്കിന്റെ ശിലാസ്ഥാപനവും ഹജ്ജ് തീര്ത്ഥാടകര്ക്കുള്ള യാത്രയയപ്പും തണല് അങ്കണത്തില് വെച്ച് നടന്നു. കിച്ചന്, ഡൈനിങ് ഹാള്, ജീവനക്കാര്ക്കുള്ള താമസസൗകര്യം തുടങ്ങിയ വിപുലമായ സംവിധാനങ്ങളോടു കൂടി നിര്മ്മിക്കുന്ന കെട്ടിടത്തിന് ഇ.കെ.കെ കണ്സ്ട്രക്ഷന്സ് ചെയര്മാന് ഇ.കെ. കുഞ്ഞുമുഹമ്മദ് തറക്കല്ലിട്ടു.
തുടര്ന്ന് നടന്ന ഹാജിമാര്ക്കുള്ള യാത്രയയപ്പ് സംഗമം മുഹിയുദ്ദീന് ബാഖവി ഉദ്ഘാടനം ചെയ്തു. തണല് കോര്ഡിനേറ്റര് ടി.കെ. അബ്ദുല്സലാം മൗലവി സന്ദേശം നല്കി. അര്ഷാദ് അബ്ദുല് ഖാദറിന്റെ പ്രാര്ത്ഥനയോടെ ചടങ്ങുകള് ആരംഭിച്ചു.
തണല് ചെയര്മാന് അബ്ദുല് കരീം അധ്യക്ഷത വഹിച്ച ചടങ്ങില് സെക്രട്ടറി സമദ് നെടുമ്പാശ്ശേരി സ്വാഗതം ആശംസിച്ചു. ശ്രീമൂലനഗരം ഗ്രാമപഞ്ചായത്ത് വൈസ് പ്രസിഡന്റ് പി.കെ.സിറാജ്, സൗദി കെ.എം.സി.സി നാഷണല് സെക്രട്ടറി നാസര് എടവനക്കാട്, റസാഖ് ലാന്സെറ്റ് അങ്കമാലി, ശരീഫ് പുത്തന്പുര, ശ്രീമൂലനഗരം മോഹനന് എന്നിവര് ആശംസ നേര്ന്നു. തണല് ഭാരവാഹികളായ അബ്ദുറഹീം, ടി.എസ്. അമീര് (വൈസ് ചെയര്മാന്മാര്), ഷാജഹാന് (ട്രഷറര്), സലാം (ജോയിന്റ് സെക്രട്ടറി), ഷാജഹാന് വെടിമറ തുടങ്ങിയവര് സംബന്ധിച്ചു. റോയല് റഫീഖ് നന്ദി പറഞ്ഞു.
ഫോട്ടോ: ശ്രീമൂലനഗരം തണല് ഗ്രാന്മഹോം സെന്ട്രല് കിച്ചന് ബ്ലോക്കിന്റെ ശിലാസ്ഥാപനം ഇ.കെ.കെ കണ്സ്ട്രക്ഷന്സ് ചെയര്മാന് ഇ.കെ. കുഞ്ഞുമുഹമ്മദ് നിര്വഹിക്കുന്നു. ഹാജിമാര്ക്കുള്ള യാത്രയയപ്പ് സംഗമം മുഹിയുദ്ദീന് ബാഖവി ഉദ്ഘാടനം ചെയ്യുന്നു.
Related News
