ഇസ്ലാമാബാദ്: അമേരിക്കയുമായി പരോക്ഷ ചര്ച്ചകള്ക്കായി പാകിസ്ഥാനിലെത്തിയ ഇറാന് വിദേശകാര്യ മന്ത്രി അബ്ബാസ് അരാഖ്ചി ചര്ച്ചകള് നടത്താതെ മടങ്ങിയത് സമാധാന ശ്രമങ്ങള്ക്ക് തിരിച്ചടിയായി. പാകിസ്ഥാന് പ്രധാനമന്ത്രി ഷെഹ്ബാസ് ഷെരീഫ്, ആര്മി ചീഫ് ഫീല്ഡ് മാര്ഷല് ആസിം മുനീര് എന്നിവരുമായി അദ്ദേഹം കൂടിക്കാഴ്ച നടത്തി. ചര്ച്ചകളില് ഇറാന്റെ നിലപാടുകളും അതിര്വരമ്പുകളും അദ്ദേഹം വ്യക്തമാക്കിയതായാണ് വിവരം.
്: അമേരിക്കയും ഇറാനും തമ്മില് ഇസ്ലാമാബാദില് നടക്കാനിരുന്ന രണ്ടാം ഘട്ട സമാധാന ചര്ച്ചകള് തകര്ച്ചയുടെ വക്കിലെത്തിനില്ക്കെ, പാക് പ്രധാനമന്ത്രി ഷെഹ്ബാസ് ഷെരീഫുമായി ഇറാന് വിദേശകാര്യമന്ത്രി അബ്ബാസ് അരാഖ്ചി ചര്ച്ച നടത്തി. മേഖലയിലെ നിലവിലെ സാഹചര്യങ്ങളെക്കുറിച്ചും പാകിസ്ഥാന്-ഇറാന് ഉഭയകക്ഷി ബന്ധത്തെക്കുറിച്ചും ഊഷ്മളമായ ചര്ച്ചകള് നടന്നുവെന്ന് ഷെഹ്ബാസ് ഷെരീഫ് എക്സ് (X) പ്ലാറ്റ്ഫോമില് കുറിച്ചു. പാക് കരസേനാ മേധാവി മാര്ഷല് ആസിം മുനീര്, ഉപപ്രധാനമന്ത്രി ഇഷാഖ് ദാര് എന്നിവരും ചര്ച്ചയില് പങ്കെടുത്തു.
ലോകത്തെ പ്രധാന എണ്ണക്കടത്തു പാതയായ ഹോര്മുസ് കടലിടുക്കില് ഇറാന് സ്ഥാപിച്ച സ്ഫോടകശേഖരങ്ങള് (മൈനുകള്) യുഎസ് നേവി നീക്കം ചെയ്തുവരികയാണെന്ന് പ്രസിഡന്റ് ഡൊണാള്ഡ് ട്രംപ് അറിയിച്ചു. സമുദ്രപാതയിലെ തടസ്സങ്ങള് ആഗോള സമ്പദ്വ്യവസ്ഥയ്ക്ക് വലിയ ഭീഷണിയാണെന്നും അദ്ദേഹം വ്യക്തമാക്കി.
വെടിനിര്ത്തല് നിലവിലുണ്ടെങ്കിലും കടലിനടിയിലെ സ്ഫോടകവസ്തുക്കള് പൂര്ണ്ണമായും നീക്കം ചെയ്യാന് മാസങ്ങളെടുക്കുമെന്ന് വിദഗ്ദ്ധര് ചൂണ്ടിക്കാട്ടുന്നു. ലോകത്തെ 20 ശതമാനം എണ്ണയും കടന്നുപോകുന്ന ഈ പാതയില് സുരക്ഷ ഉറപ്പാക്കാതെ വാണിജ്യ കപ്പലുകളോ ഇന്ഷുറന്സ് കമ്പനികളോ സര്വ്വീസ് പുനരാരംഭിക്കാന് തയ്യാറായേക്കില്ല.
ഇറാനിയന് തുറമുഖങ്ങളില് അമേരിക്ക ഏര്പ്പെടുത്തിയിരിക്കുന്ന നാവിക ഉപരോധം തുടരുകയാണെങ്കില് ശക്തമായ തിരിച്ചടി നല്കുമെന്ന് ഇറാന് സൈന്യം മുന്നറിയിപ്പ് നല്കി. ഇതോടെ മേഖലയില് പ്രഖ്യാപിച്ചിരുന്ന താല്ക്കാലിക വെടിനിര്ത്തല് കൂടുതല് പ്രതിസന്ധിയിലായിരിക്കുകയാണ്. ഹോര്മുസ് കടലിടുക്കിലെ തര്ക്കങ്ങള് പരിഹരിക്കപ്പെടാത്തതും സമുദ്രപാതകളിലെ തടസ്സങ്ങള് ആഗോള ഊര്ജ്ജ വിപണിയെ ബാധിക്കുന്നതും ആശങ്ക വര്ദ്ധിപ്പിക്കുന്നു.
.jpg)
Related News
