റിയാദ്: സൗദി അറേബ്യയിലെ ലുലു ഹൈപ്പര്മാര്ക്കറ്റുകളില് 'വേള്ഡ് ഫുഡ് ഫെസ്റ്റിന്' ആവേശകരമായ തുടക്കം. റിയാദ് മുറബ്ബയിലെ അവന്യൂ മാളില് നടന്ന ചടങ്ങില് പ്രമുഖ സിനിമാ താരം ധ്യാന് ശ്രീനിവാസന് ഫെസ്റ്റിന്റെ ഔദ്യോഗിക ഉദ്ഘാടനം നിര്വഹിച്ചു. ഫുഡ് ഫെസ്റ്റ് പ്രമേയത്തില് തയ്യാറാക്കിയ 40 മീറ്റര് നീളമുള്ള ഭീമന് കേക്ക് മുറിച്ചായിരുന്നു ഉദ്ഘാടനം. ലുലു ഹൈപ്പര്മാര്ക്കറ്റ് സൗദി ഡയറക്ടര് മുഹമ്മദ് ഹാരിസ് ഉള്പ്പെടെയുള്ള പ്രമുഖര് ചടങ്ങില് സംബന്ധിച്ചു.
ആഘോഷങ്ങളുടെ ഭാഗമായി ഫ്ലാഷ് മോബ്, ചെണ്ടമേളം, വിവിധ സാംസ്കാരിക നൃത്ത പരിപാടികള് എന്നിവ അരങ്ങേറി. തുടര്ന്ന് ഫെസ്റ്റ് വേദിയിലെ പ്രദര്ശന കേന്ദ്രങ്ങളും ലൈവ് സാമ്പിളിംഗ് കൗണ്ടറുകളും ധ്യാന് ശ്രീനിവാസന് സന്ദര്ശിച്ചു. ചടങ്ങില് ബിരിയാണി ചലഞ്ച് വിജയികള്ക്കുള്ള സമ്മാനദാനവും അദ്ദേഹം നിര്വഹിച്ചു.
ലോകത്തിന്റെ വിവിധ കോണുകളിലെ രുചികളെ ഒരു കുടക്കീഴില് അണിനിരത്തുന്ന ഫെസ്റ്റ് മെയ് 5 വരെ നീണ്ടുനില്ക്കും. ഓരോ രണ്ട് ദിവസം കൂടുമ്പോഴും വ്യത്യസ്ത രാജ്യങ്ങളുടെ ഭക്ഷണസംസ്കാരങ്ങള് പരിചയപ്പെടുത്തുന്ന രീതിയിലാണ് മേള ക്രമീകരിച്ചിരിക്കുന്നത്. ടേസ്റ്റ് ഓഫ് സൗദി, ടേസ്റ്റ് ഓഫ് ഇന്ത്യ, ടേസ്റ്റ് ഓഫ് അറേബ്യ, ടേസ്റ്റ് ഓഫ് ഏഷ്യ, ടേസ്റ്റ് ഓഫ് ഇറ്റലി, ടേസ്റ്റ് ഓഫ് കോണ്ടിനെന്റല്, ഹെല്ത്തി ബൈറ്റ്സ് എന്നിങ്ങനെ വ്യത്യസ്ത വിഭാഗങ്ങള് സന്ദര്ശകര്ക്കായി ഒരുക്കിയിട്ടുണ്ട്.
അഞ്ച് റിയാലിന് ബിരിയാണി മുതല് ടെക് ഡീലുകള് വരെ ഫെസ്റ്റിന്റെ ഭാഗമായി ഉപഭോക്താക്കള്ക്ക് ലഭിക്കും. പാചക മത്സരങ്ങളിലെ വിജയികളെ കാത്തിരിക്കുന്നത് 10,000 റിയാല് വരെ വിലമതിക്കുന്ന സമ്മാനങ്ങളാണ്. കുട്ടികള്ക്കും മുതിര്ന്നവര്ക്കുമായി നിരവധി വിനോദ പരിപാടികളും ഫെസ്റ്റിന്റെ ഭാഗമായി സംഘടിപ്പിച്ചിട്ടുണ്ട്.
നേരിട്ട് എത്താന് കഴിയാത്തവര്ക്ക് ലുലു മിനിറ്റ്സ് (LuLu Minutes) ഓണ്ലൈന് ഡെലിവറി ആപ്പ് വഴി ഫെസ്റ്റിലെ മികച്ച ഓഫറുകള് സ്വന്തമാക്കാനും അവസരമുണ്ട്. സൗദിയിലെ എല്ലാ ലുലു ഹൈപ്പര്മാര്ക്കറ്റുകളിലും ഫെസ്റ്റ് ഓഫറുകള് ലഭ്യമാണ്.
Related News
