തിരൂരങ്ങാടി: പ്രവാസി ആവശ്യങ്ങളില് യുക്തമായ നിര്ദേശങ്ങളോ ഇടപെടലുകളോ ഉണ്ടാകാതിരുന്ന ലോക കേരള സഭ നിര്ത്തലാക്കുകയും, കൂടുതല് പ്രവാസി സൗഹൃദപരമായ ബദല് സംവിധാനം രൂപീകരിക്കുകയും ചെയ്യുന്ന സര്ക്കാര് നടപടി സ്വാഗതാര്ഹവും അഭിനന്ദനാര്ഹവുമാണെന്ന് പ്രവാസി ലീഗ് സംസ്ഥാന വൈസ് പ്രസിഡന്റ് പി.എം.എ. ജലീല് പറഞ്ഞു. പ്രസ്തുത ബദല് സംവിധാനം സമയബന്ധിതമായി നടപ്പിലാക്കണമെന്നും അദ്ദേഹം ആവശ്യപ്പെട്ടു. തിരൂരങ്ങാടി മണ്ഡലം പ്രവാസി ലീഗ് പ്രവര്ത്തക സമിതി യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പഞ്ചായത്ത്, നഗരസഭാ തലങ്ങളിലെ അംഗത്വ പ്രവര്ത്തനങ്ങള് യോഗം വിലയിരുത്തി.
മണ്ഡലം പ്രസിഡന്റ് ജാഫര് കിഴക്കിനിയകത്ത് അധ്യക്ഷത വഹിച്ചു. ജില്ലാ ട്രഷറര് സി.ടി. നാസര് മുഖ്യപ്രഭാഷണം നടത്തി. ഇബ്രാഹിം തച്ചമ്മാട്, മുസ്തഫ കോണിയത്ത്, സമദ് കൊടിഞ്ഞി, വി.പി. ലത്തീഫ്, സത്താര് പെരുമണ്ണ, റഷീദ് ഏലായി, സി.വി. ലത്തീഫ്, ഇസ്മായില് പൂഴിക്കല്, സുബൈര് പന്തക്കന്, കുഞ്ഞിമുഹമ്മദ് മൗലവി, സുബൈര് എം.വി., സൈദലവി നന്നമ്പ്ര, അഹ്മദ് കുട്ടി, അബ്ദു പൂണ്ടോളി, കുഞ്ഞിക്കോമു, എം.എ. റഹീം, എം.സി. ബാവ, നൗഷാദ് എന്നിവര് പ്രസംഗിച്ചു.
Related News
